Ի՞նչ «Վերոնա», ի՞նչ «Սևիլիա»... Ես ինձ վատ եմ զգում. Տիկնիզյան կխնդրի «Լոկոմոտիվին» բաց թողնել իրեն

Մոսկվայի «Լոկոմոտիվի» պաշտպան Նաիր Տիկնիզյանը Ռուսաստանի Պրեմիեր լիգայի 29-րդ տուրի` ԲԿՄԱ-ի դեմ խաղից (2-2)  հետո ասել է, որ մրցաշրջանի ավարտին ակումբի ղեկավարությանը կխնդրի թույլ տալ իրեն հեռանալ, հաղորդում է Sport24-ը:

«Ես ինձ անպետք եմ զգում։ Ուզում եմ փոփոխություն ամռանը։ Ես մեծ հարգանք ունեմ «Լոկոմոտիվի» նկատմամբ։ Ես շնորհակալ եմ ակումբի կողմից ինձ համար արված ամեն ինչի համար։ Նաև շնորհակալ եմ գլխավոր մարզչին, բայց այսօր ես նույնիսկ ռոտացիոն խաղացող չեմ։ Սա պետք է ընդունել արժանապատվորեն։

Ես հասկանում եմ ամբողջ իրավիճակը։ Մրցաշրջանի ավարտից հետո կլինի երկխոսություն, որի ընթացքում ես ինքս կգամ ղեկավարության մոտ և կխնդրեմ թույլ տալ ինձ հեռանալ։ Դժբախտաբար, «Լոկոմոտիվում» անցկացրած չորս մրցաշրջանների ընթացքում ես ոչինչ չկարողացա նվաճել։ Ակումբն ինձ ավելին տվեց, քան ես ինքնուրույն ստացա։

Դժվար է ամբողջ տարի լուռ քայլել՝ ձևացնելով, թե ոչինչ չի պատահել։ Ափսոս է, երբ պատրաստ էիր կյանքդ զոհաբերել մեկ ուրիշի համար, բայց ի վերջո դարձար մերժված։ Բայց կյանքն է այդպիսին, իրավիճակը այդպիսին է, ես ամեն ինչ հասկանում եմ։

Հավանաբար դուք կցանկանաք հարցնել Եվրոպայի մասին։ Ինձ համար զվարճալի է սա կարդալը, հատկապես, երբ չես խաղում։ Ի՞նչ «Վերոնա», ի՞նչ «Սևիլիա»... Ես ինձ վատ եմ զգում։ Խաղային պրակտիկա չունեցող ֆուտբոլիստը մեռած խաղացող է։

Ես վատ զգացողություններ չունեմ։ Պարզապես պետք է առաջ շարժվել»,- ասել է 26-ամյա ֆուտբոլիստը, որը մոսկովյան դերբիում խաղաժամանակ չի ստացել:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝