Ավինյանը հայտարարեց, թե աղբահանության դիմաց մինչ այս չվճարելու համար տուգանք չի լինելու, բայց ուղեվարձ չվճարելու դեպքում կլինի

«Ես գիտեմ, որ երևանցիները որոշ վարչական շրջաննեում խնդիրներեն ունենում տույժերի և տուգանքների տեսքով։ Տույժերի և տուգանքների ևս մեկ նախագիծ վաղը ավագանու նիստին արտոնություններ տվող և բոլոր տուգանքներից և տույժերից ազատող նախագիծ է ընդունվելու»,-գործակարգավարական նիստի ժամանակ հայտարարեց քաղաքապետ Տիգրան Ավինյանը։

Դիմելով երևանցիներին՝ Ավինյանը վստահեցրեց, որ որևէ տույժեր և տուգանքներ, մինչ այս պահը, քանի դեռ համակարգը նոր էր ներդրվում, չի կիրառվելու, նույնիսկ եթե որոշ դեպքերում աղբի դիմաց վճարուներ եղել են, այն հաշվանցելու է հիմնական աղբահանության վճարին, նաև հայտարարեց, որ այն շահարկման առիթ էր դարձել։

 Ավինյանը հայտարարեց, թե Երևանի քաղաքապետարանն իր սեփական եկամուտները եռապատկել է։

 «Այսօր մենք արձանագրեցինք, որ այնուամենայնիվ որոշակի թերհավաքագրումներ ունենք հանրային տրանսպորտի ոլորտում, մոտ 2.3  մլրդ դրամ»,-ասաց ավինյանը և նշելով թե ընդդիմադիրները որքան էլ հպարտանում էին ուղեվարձերի բոյկոտի արդյունավետությամբ, հավելեց. «Այո այդ բոյկոտը որոշ չափով ազդել է մեր եկամուտների վրա, բայց մարդկանց 75-80 %-ը պարտաճանաչ վճարում են»։

 Ավինյանը շնորհակալություն հայտնեց, որ ուղեվարձ վճարող քաղաքացիները գիտակցում են դրա կարևորությունը, բայց և հայտարարեց, թե ուղեվարձ չվճարելու կոչերն ազդելու են հենց տրանսպորտի ոլորտի վրա և եթե ներկայում կան 2.7% ավտոբուսներ, որոնք երթուղի դուրս չեն եկել, ապա ֆինանսական հոսքերն այնքան է կրճատվում, որ քաղաքապետարանը կարող է չկարողանա այդ ծավալը սպասարկի։

 «Կրկին անգամ ուզում եմ շեշտել և այստեղ երկրորդ կարծիքը չկա, այո պետք է լինի տուգանք՝ հանրային տրանսպորտից օգտվելու և չվճարելու համար պետք է գործի տուգանք։ Բոյկոտի շղարշի ներքո կոծկել անպատասխանատվությունը չեմ ընդունում»,-հայտարարեց քաղաքապետը և հավելեց. «Եթե չենք ուզում, որ տրանսպորտի որակը փոխվի, կարան այսպես մաշացնենք, որևէ բան չվերականգնենք, ապա կունենանք այն, ինչ ունեցել են մոտ 30 տարի»։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝