Այ դու ձկան աչք. ԸՆԿԵՐ ՓԱՆՋՈՒՆԻ

ԿՈՄՊԼԻՄԵՆՏԱՐ ՄՈՏԵՑՈՒՄ

 (ՊԱՇՏՊԱՆՈՒԹՅԱՆ ՆԱԽԱՐԱՐԻ` ԲԵՌԼԻՆԻ ԱՅՑԻ ԿԱՊԱԿՑՈՒԹՅԱՄԲ)

 Ըստ ռազմական փորձագետների` մինչեւ Արծրուն Հովհաննիսյանը Հ1-ի ուղիղ եթերով ֆաշիստամետ արծրուն - արծրուն դուրս էր տալիս, պաշտպանության նախարարը Բեռլինն էր գրավում։

 **

 ԱԽՏՈՐՈՇՈՒՄ

 (ԱՐԵՎՄՏՅԱՆ ԸՆԿԵՐՈՒԹՅՈՒՆՆԵՐԸ ՎՏԱՆԳԱՎՈՐ ՆՅՈՒԹԵՐ ԵՆ ՓՈՐՁԱՐԿՈՒՄ ՀԱՅ ԿԱՆԱՆՑ, ԵՐԵԽԱՆԵՐԻ  ԵՎ ՀԱՇՄԱՆԴԱՄՆԵՐԻ ՎՐԱ` LONDON TIMES ՊԱՐԲԵՐԱԿԱՆԻ ԿՈՂՄԻՑ ՀՐԱՊԱՐԱԿՎԱԾ ՀՈԴՎԱԾԻ ԿԱՊԱԿՑՈՒԹՅԱՄԲ)

 Ըստ ֆարմացեպտների` բանից պարզվում ա, Նիկոլի վերջին սրացումները նույնպես արեւմտյան արտադրության դեղերին վստահելով, դրանք չխմելն է եղել։

 **

ՀԱՍԿԱՑՈՂԻՆ ՄԵԿ ԿԱՍԵՆ

 ( ՀՈԿՏԵՄԲԵՐԻ 27-Ի ՈՃՐԱԳՈՐԾՈՒԹՅՈՒՆԻՑ ՀԵՏՈ ԻՐԵՆ Է ԶԱՆԳԱՀԱՐԵԼ ԺԻՐԱՅՐ ՍԷՖԻԼՅԱՆԸ ԵՎ ՎԻՐԱՎՈՐԱԿԱՆ ԱՐՏԱՀԱՅՏՈՒԹՅՈՒՆ ՀՆՉԵՑՐԵԼ ՍՊԱՆՎԱԾՆԵՐԻՑ ՄԵԿԻ ՀԱՍՑԵԻՆ` ՍԱՄՎԵԼ ԲԱԲԱՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

 Արդարադատության  նախարարությունից հայտնում են, որ վերոնշյալ հայտարարությունից հետո երկուսին էլ հրավիրել են առերեսման, որպեսզի նրանց բացատրեն, որ հանգուցյալների հետեւից կամ լավ են խոսում, կամ` ոչինչ։

**

МУЖ И ЖЕНА ОДНА САТАНА

 (ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ԱՄՈՒՍԻՆԸ` ՎՏԱՆԳԱՎՈՐ ԴԵՂԵՐ ՀԱՅԱՍՏԱՆՈՒՄ ԿԻՐԱՌԵԼՈՒ ՄԱՍԻՆ ԼՈՒՐԻ ՏԱՐԱԾՈՒՄԸ ԻՐ ՀԵՏ ԿԱՊԵԼՈՒ ԿԱՊԱԿՑՈՒԹՅԱՄԲ)

Թեեւ Անահիտն իմ կինն է, բայց ճշմարտությունն ավելի թանկ է։

 **

ԿՏՈՐ ՄԸ ԵՐԿԻՆՔ

 Ալբանացուն թուրք մի ըսեք, մեղք է։

**

ՆՈՐՕՐՅԱ ՇՈՒՆՆ ՈՒ ԿԱՏՈՒՆ

 (ԱԺ - ՈՒՄ ՏԵՂԻ ՈՒՆԵՑԱԾ ՔԱՇՔՇՈՑԻ ԿԱՊԱԿՑՈՒԹՅԱՄԲ)

 Էլ գող կոռուպցիոներ, էլ քաչալ թուրք, էլ հեր ու մեր, քիր ու ախպեր, էլ լավ ու ...

**

ԱՅ ԴՈՒ ՁԿԱՆ ԱՉՔ

(ԼԵՎՈՆ ՔՈՉԱՐՅԱՆԻ ԿՈՂՄԻՑ` ՔՊ ՊԱՏԳԱՄԱՎՈՐ ՆԱՐԵԿ ԳՐԻԳՈՐՅԱՆԻՆ ՁԿԱՆ ԳՈՂ ԱՍԵԼՈՒ ԿԱՊԱԿՑՈՒԹՅԱՄԲ)

Էս ինչ զուլում աշխարհ ա, բռնված գողերը հայտնվում են բանտում, իսկ չբռնված ձկնգողերը` ԱԺ-ում:

**

ԻԼՀԱՄ, ՓԱԽԻՐ, ՇԱՀՐԱՄԱՆՅԱՆԸ ՓՈՇՄԱՆԵԼ Ա

ԵԱՀԿ Մինսկի խմբից հայտնում են, որ Արցախի նախագահ Սամվել Շահրամանյանը նախկինում իր կողմից ստորագրած Արցախի լուծարման հրամանագրից փոշմանել ա:

**

ՀԻՆ ԱՍԱՑՎԱԾՔԸ` ՆՈՐՈՎԻ

Հայի հետին խելքը Սամվել Շահրամանյանինը լիներ:

**

ԴԱՐԻ ՀԱՐՑԸ

(ԺԱՄԿԵՏԱՆՑ ԴԵՂՈՐԱՅՔԻ ՀԵՏ ԿԱՊՎԱԾ ՍԿԱՆԴԱԼՆԵՐԻ ԿԱՊԱԿՑՈՒԹՅԱՄԲ)

Կարող ա Նիկոլին տրվող դեղերն էլ են ժամկետանց, դրա համար վրեն չեն ազդում:

**

ՍԵՅՐԱՆ ՕՀԱՆՅԱՆԸ` ՌՈԲԵՐՏ ՔՈՉԱՐՅԱՆԻՆ` <<ՈՍԿԵ ՀՈՐԹԸ>> ՖԻԼՄԻ ՄՈՏԻՎՆԵՐՈՎ

-Կոմանդիր, կոմանդիր, Լեւոն Քոչարյանին Աժ-ում ծեծում են:

- Ինչպես` արդեն:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝