Ուշադրություն․ հերթական ազգային ամոթը, որի քավորը կրկին Փաշինյանն է

Հայտնի է, որ այսօրվա դրությամբ ՀՀ-ում բնակվում են Հայրենական մեծ պատերազմի 32 մասնակից, նրանց թվում են նաեւ, կառավարության որոշմամբ, երկու գերության մեջ գտնված եւ Լենինգրադի բլոկադայի յոթ մասնակից։ Մյուս 23-ը Հայրենական մեծ պատերազմի մասնակիցներն են։ Մայիսի 9-ին երկու հոգի մասնակցելու է Մոսկվայում կայանալիք շքերթին, երկու հոգի գնալու են Լենինգրադ, երկու հոգու հարազատներ, որոնք մասնակցել են Ճապոնիայի դեմ մարտերին, գնալու են Չինաստան։ 

Այս ամենով հանդերձ նախկին ԽՍՀՄ հանրապետություններից միայն մեր հանրապետությունն է, որտեղ վետերանները չեն ստացել Հայրենական մեծ պատերազմի հաղթանակի 80-ամյակի մեդալներ։ Ըստ շրջանառվող լուրերի մեդալներ հանձնելու որոշման տակ պետք է ստորագրի անձամբ Փաշինյանը, ում վերաբերմունքը այլեւս ակնհայտ է։

Ասվածի ապացույցն այն է, որ այս տարի Հաղթանակի զբոսայգում ոչ միայն չկար տոնական, հաղթական տրամադրություն, չկար զինվորական շքերթ, պետական օրկեստոր, այլ ուշադրություն, 100 եւ ավել տարիք ունեցող վետերանների համար անգամ աթոռներ չկային տեղադրված, որպեսզի տարիքն առած տատիկներն ու պապիկները հանգիստ ընկնեին հիշողության գիրկը։