Վեց տարեկանում ավելորդ քաշ ունենալը կրկնապատկում է 18 տարեկանում ճարպակալման վտանգը. ECO2025

Վեց տարեկանում մարմնի զանգվածի ինդեքսի (BMI) յուրաքանչյուր մեկ միավորով աճը կրկնապատկում է 18 տարեկանում ավելորդ քաշի կամ ճարպակալման հավանականությունը։ Նման եզրակացությանն են հանգել Ռոտերդամի բժշկական կենտրոնի գիտնականները։ Հետազոտության արդյունքները ներկայացվել են ճարպակալման Եվրոպական կոնգրեսում (ECO 2025):

Հետազոտությանը մասնակցել է 3528 հոլանդացի երեխա։ Նրանց մարմնի զանգվածի ինդեքսը (BMI) հետևվել է 2, 6, 10, 14 և 18 տարեկան հասակում։ Երիտասարդ մասնակիցների 32,3%-ը ավելորդ քաշ ուներ կամ ճարպակալում էր 2 տարեկանում, 22,3%-ը՝ վեց տարեկանում, 24,7%-ը՝ 10 տարեկանում և 20,6%-ը՝ 14 տարեկանում։

Վեց տարեկանում ավելորդ քաշը սերտորեն կապված է երիտասարդ տարիքում ճարպակալման հետ։ Սակայն, եթե երեխան վեց տարեկանում վերադառնում է իր բնականոն մարմնի քաշին, այդ ռիսկը վերանում է։

«Վերջին 15 տարիների ընթացքում դեռահասների շրջանում ճարպակալման դեպքերը զգալիորեն աճել են։ Դա պայմանավորված է գործարանային խիստ վերամշակված սննդի մեծ սպառմամբ, նստակյաց կենսակերպով, քնի պակասով և հոգեկան առողջության խնդիրներով»,-պատմել է առաջատար հետազոտող, Բրիստոլի թագավորական մանկական հիվանդանոցի մանկական էնդոկրինոլոգ, դոկտոր Դինեշ Գիրին։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝