Ափսոս…կովկասյան թաթարները քայլեցին Կարմիր հրապարակով, իսկ Հայաստանը ներկայացված չէր. Ներսիսյան

ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ անդրադարձել է Նիկոլ Փաշինյանի կեցվածքին Մոսկվայում եւ ցավով արձանագրել, որ հաղթանական շքերթին հայկական զորախումբ չի մասնակցել, ոչ էլ ծածանվել է Եռագույնը:

— Մայիսի 9-ին Մոսկվայում տեղի ունեցավ շքեղ շքերթ՝ նվիրված Հայրենական մեծ պատերազմի հաղթանակի 80-ամյակին, որտեղ աշխարհի տարբեր երկրների ղեկավարներ ներկայացրեցին իրենց երկրները՝ բարձր արժանապատվությամբ:

Այդ ամբողջ շքեղ հարթության վրա նստած էր Հայաստանի վարչապետ կոչվածը՝ ստոր, խաբեբա, ազգադավ պատուհասը, կուչ եկած իր դժբախտ, ծիծաղելի տեսքով՝ ամոթով թողնելով հայ ժողովրդին:

Հայ ժողովուրդը, որ տվեց իր լավագույն զավակներին՝ 5 մարշալ՝ ծնունդով արցախցիներ, բազում գեներալներ, Սովետական միության կրկնակի հերոսներ, ովքեր հասան մինչեւ Բեռլին, իր զորախումբը չներկայացրեց շքերթին՝ իհարկե, այս ազգադավ պատուհասի ձեռամբ: Իսկ կովկասյան թաթարները, որոնք ունեն ընդամենը 106 տարվա պատմություն, իրենց ղեկավարի ցանկությամբ քայլեցին Կարմիր հրապարակով:

Երանի այդ ժամանակները, երբ հայ ժողովրդի նախկին ղեկավարները միազգային տարբեր հարթակներում բարձր արժանապատվությամբ ներկայացնում էին Հայաստանը եւ հայ ժողովրդին: Ափսո՛ս…

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝