Մուրը ոչ միայն Mi6-ի ղեկավարն է, այլև ուկրաինա-ռուսական հակամարտության ճարտարապետը. Ինչ է նշանակում նրա հեռանալը

Միջազգային 11 Մայիս, 2025 20:47

Փորձագիտական աղբյուրն այսպես է գնահատում արդեն այս աշնանը Mi6-ի ղեկավար Ռիչարդ Մուրի պաշտռոնակնության մասին տարածված տեղեկությունը:

«Նորություն, որը նույնքան կարևոր է, որքան բուն ուկրաինական բանակցությունները:

Բրիտանական MI6 հետախուզական ծառայության ղեկավար Ռիչարդ Մուրը աշնանը կհեռանա պաշտոնից։ Մուրը ոչ միայն հետախուզության ղեկավարն է, այլև ուկրաինա-ռուսական հակամարտության ճարտարապետը։ Հենց նա էր, որ «հավաքեց» ուկրաինական էլիտային, երբ 2016 թվականին ԱՄՆ-ն, ի դեմս Թրամփի, փաստացի քաղաքականապես դուրս եկավ Ուկրաինայից։

Հենց Մուրն էր, որ իրականացրեց Երմակի և Զելենսկու աննախադեպ նշանակալի այցը MI6։ Մուրը քաղաքական աջակցություն էր ցուցաբերում ԶեԵրմակներին և կազմակերպում էր նրանց աջակցությունը Արևմուտքում։ Հենց նրա հանձնարարությամբ է Ջոնսոնը թռել Կիև և խոստացել Զելենսկուն աջակցություն։

Հենց Մուրն էր, որ ապահովեց թուրքական Բայրաքթարների մատակարարումը, կազմակերպեց Ղրիմի կամրջին հարվածը և շատ ավելին։

Իրականում, Մուրը Մեծ Բրիտանիայի իրական առաջնորդն էր միջազգային ասպարեզում։ Հետախուզությունից առաջ Մուրը դեսպան էր Թուրքիայում։ Նրա նշանակումը MI6-ում 2020 թվականին նշանավորեց Մեծ Բրիտանիայի ուշադրության կենտրոնացումը Սևծովյան տարածաշրջանի (Ռումինիա-Մոլդովա-Ուկրաինա) վրա։

Եվ հիմա, երբ Մուրը հեռանում է, դա ակնարկ է, որ նրա այդ ողջ ճարտարապետությունը խորքից ճաքեր է տվել եւ ամեն պահ կարող է փլուզվել: Մուրն էլ հեռանում է, կամ վերպետական տերերը նրան հեռացնում են կա´մ` որպես գործը ձախողողի կա´մ էլ, միգուցե, որ փլատակների տակ չմնա: Առավել եւս, որ ուկրաինական պարտությունն ի հայտ բերեց այն խորը ճեղքվածքը, որն առաջացել է Բրիտանիայի ու ԱՄՆ-ի միջեւ: Այն է` Բրիտանիան հիմա ստիպված է հիմնովին վերանայել իր աշխարհաքաղաքականությունը, քանի որ նոր իրողությունները նրան Մեծից կդարձնեն Փոքր Բրիտանիա, որը ոչ մի տեղ ոչինչ չի որոշում:

Այսպես, «Սանդեյ Թայմս»-ը գրում է, որ բրիտանական հետախուզության պատմության մեջ առաջին անգամ նրա տեղը կարող է զբաղեցնել կին։ Առաջատար թեկնածուն Չինաստանում Մեծ Բրիտանիայի նախկին դեսպան Բարբարա Վուդվարդն է։ Մյուս երկու թեկնածուները MI6-ի կին սպաներ են, որոնց անունները չեն հրապարակվել։

Եթե Բարբարան այնտեղ լինի, դա կնշանակի, որ բրիտանական հետախուզության աշխատանքի ուշադրությունը կկենտրոնանա Չինաստանում։ Նույնը տեղի ունեցավ նաև ԱՄՆ զինված ուժերի շտաբների պետերի միացյալ կոմիտեում։