Washington Post-ը պարզել է՝ ինչ կարևոր իրադարձություն է սպասվում վեց շաբաթից

Ուկրաինացի պաշտոնյաները գոհ են, որ Թրամփը և նրա վարչակազմի մի շարք անդամներ սկսել են քննադատել Ռուսաստանին՝ կարգավորման հարցում փոխզիջումների չգնալու և պատժամիջոցների խստացում ակնկալելու համար, եթե Մոսկվայի դիրքորոշումը չմեղմվի: Այս մասին գրում է The Washington Post-ի սյունակագիր Դեյվիդ Իգնատիուսը, ով զրուցել է Ուկրաինայի նախագահ Վոլոդիմիր Զելենսկու խորհրդականների և այլ բարձրաստիճան պաշտոնյաների հետ։

Պարբերականի զրուցակիցները հայտնել են՝ ուկրաինական կողմը պատրաստ է դիտարկել փոխզիջման և «երկկողմ մոտեցման» հնարավորությունը: Այն նախատեսում է շփման գծի ողջ երկայնքով հրադադար, ինչպես ցանկանում է Կիևը, և երկարաժամկետ «արմատական» խնդիրների քննարկում, ինչպես պնդում է Մոսկվան։

«Վեց շաբաթ անց մենք կհասկանանք՝ մեզ սպասում է պատերազմի հերթական փուլը՝ ԱՄՆ-ի հետ կամ առանց նրա, թե խաղաղության սցենար», - թերթին ասել է Զելենսկու քաղաքական խորհրդականներից մեկը։ Նրա կարծիքով՝ երկարաժամկետ հեռանկարում Ուկրաինան պետք է ամրապնդի իր պաշտպանական ռազմավարությունը և կառուցի այն Իսրայելի օրինակով։ «Դա կարող է տևել մեկ տասնամյակ, և մինչ այդ Կիևին ամերիկյան կամ եվրոպական օգնություն պետք կգա», - նշել է պաշտոնյան։