Հնդկաստանը ռուս-հնդկական հիպերձայնային հրթիռներով հարպածել է պակիստանյան ավիաբազաներին (Տեսանյութ)

Քիչ առաջ հայտնի դարձավ, որ Հնդկաստանը հրթիռային հարված է հասցրել Պակիստանի Շահբազի ռազմաօդային եւ Բհոլարի ավիաբազային։ Այս դեպերում եւս պակիստանյան ՀՕՊ համակարգը, որը, ի դեպ, համալրված է ինչպես չինական, այնպես էլ` ՆԱՏՕ-ական համակարգերով, ինչպես երեկ գիշերային հարվածների դեպքում, անզոր է գտնվել հնդկական հրթիռների դեմ:

Պատճառի մասին խոսել են ռազմական փորձագետները: Այսպես, հնդկական հրթիռների աշխատած մնացորդները (Լուսանկարում) հաստատել են, որ օգտագործվել են ռուս-հնդկական BrahMos հիպերձայնային թևավոր հրթիռների։ Այսպիսով, ռուս-հնդկական համատեղ տեխնոլոգիան ապացուցեց իր անխոցելիությունը ինչպես ամերիկյան, այնպես էլ` չինական ամենաժամանակակից հակահրթիռային տեխնոլոգիաներից իրական մարտական ​​գործողություններում։ Սրանով հանդերձ, Հնդկաստանը պաշտոնապես միացել է այն երկրների ակումբին, որոնք իրական պատերազմում օգտագործել են հիպերձայնային հրթիռներ։ Այժմ այն ​​ներառում է Ռուսաստանը, Իրանը և Եմենը։ Կարելի է ակնկալել, որ Հնդկաստանը կսկսի արագացնել իր հարվածային զենքի այս բաղադրիչի արտադրությունը։

Մյուս կողմից էլ նաեւ ֆիքսվել է, որ Հնդկաստանը ներկա մարտերում կորցրեց մի քանի ինքնաթիռներ, որոնք, առանց բացառության, ֆրանսիական էին: Այն դեպքում, երն հնդիկներն ունեն նաեւ ռուսական եւ համատեղ արտադրության ինքնաթիռներ, որոնք միանգամայն հաջող են գործել, թեեւ այս փուլում արդեն ֆիքսվել է առնվազն երկու օդային մասշտաբային բախում կողմերի միջեւ:

Այն, որ այս ամենն ազդելու է նաեւ հնդկացիների տատանողական աշխարհաքաղաքականության վրա` դեպի ռուսական ուղղվածություն, արդեն ենթադրում են փորձագետները: