Ովքեր են վետերանները, որոնց հետ Պուտինը ջերմորեն շփվեց շքերիթից հետո. նրանց թվում հայեր էին (Ֆոտո)

Տելեգրամյան ալիքները պարզել են, թե ովքեր են այն վետերանները, որոնց հետո այսօրվա շքերթից հետո ՌԴ նախագահը շփվեց հատուկ ջերմությամբ:

Իվան Ստեփանովիչ Մարտինուշկին. նա այժմ ավելի քան 100 տարեկան է (Լուսանկար 1)։

Նա երկու անգամ վիրավորվել է։ Մասնակցել է Ուկրաինայի, Չեխոսլովակիայի և Լեհաստանի ազատագրմանը։ Այդ թվում, Եվրոպայի ազատագրման ժամանակ ավագ լեյտենանտը մասնակցություն է ունեցել Օսվենցիմ համակենտ րոնացման ճամբարի ազատագրմանը: Պատերազմից հետո նա մասնակցել է ատոմային և ջրածնային ռումբերի ծրագրերին։

Ռոզալիա Սերգեևնա Աբգարյան։ Նա այժմ 102 տարեկան է (Լուսանկար 2)։

1941 թվականին դպրոցական վերջին զանգի հանդիսության հենց հաջորդ օրը նա կամավորագրվեց` Կարմիր բանակին միանալու համար։ Թբիլիսիում ավարտել է ռադիոօպերատորների եռամսյա դասընթաց և հոկտեմբերին ուղարկվել Ռոստով։ 1942 թվականին նա նահանջեց տափաստաններով՝ որպես 12-րդ բանակի մաս։ Մարտերից մեկում նա վիրավորվել է գլխին, որից հետո նրան ուղարկել են հոսպիտալ՝ բուժման։ Ապաքինվելուց հետո նրան ուղարկեցին 18-րդ բանակի 88-րդ կապի գունդ, որտեղ նա ծառայել է ամբողջ պատերազմի ընթացքում՝ Վորոշիլովգրադից մինչև Պրագա։ Մասնակցել է Տուապսեի պաշտպանական, Կրասնոդարի, Նովոռոսիյսկ-Տաման ռազմավարական, Կերչ-Էլտիգեն, Ժիտոմիր-Բերդիչև, Պրոսկուրով-Չերնովցի, Լվով-Սանդոմյերզ, Արևելյան Կարպատ, Մորավիա-Օստրավա և Պրագայ ազատագրմանը:

Խաչիկ Հովակիմյան։ Նա այժմ 102 տարեկան է (Լուսանկար 3)։

Ծառայել է լեգենդար 89-րդ Թամանի հրաձգային դիվիզիայում։ Կովկասի պաշտպանության մասնակից։ Կռվել է Կերչում։

Ներսես Սիմոնյան։ Նա այժմ 101 տարեկան է (Լուսանկար 4)։

Կռվել է Հյուսիսային Կովկասում, մասնակցել եմ Նովոռոսիյսկի և Ղրիմի համար մղվող մարտերին։ Չնայած պատպառելի տարիքին, Ներսես պապն ակտիվ հասարակական կյանք է վարում (ՍԻՄ կուսակցության անդամ է):

Իսկ ահա բուն շքերթի ժամանակ նախագահներ Պուտինի եւ Սիի կողքին նստած էր Եվգենի Ալեքսեևիչ Զնամենսկին (հիմնական լուսանկարում)։ Նա այժմ 99 տարեկան է։ Կռվել է հետևակային կազմում Ստալինգրադի մոտ, Դոնի և 1-ին Բելառուսի ճակատներում։ Մասնակցել է Իզյումի, Լիսիչանսկի, Կրասնոդոնի, Զապորոժեի եւ բազում այլ բնակավայրերի ազատագրմանը։ Նա երկու անգամ վիրավորվել է, բայց շարք վերադառնալով, հասել է Բեռլին։