Լուկաշենկոն խոստովանել է՝ «մի քիչ երկար մնաց իշխանության ղեկին»

Բելառուսի նախագահ Ալեքսանդր Լուկաշենկոն հայտարարել է, որ «մի քիչ երկար մնաց իշխանության ղեկին», որպեսզի պատրաստի իր իրավահաջորդներին։ Այս խոսքերով նա հանդես է եկել Մինսկում Միջազգային ցուցահանդեսային կենտրոնի բացմանը, որը հեռարձակել է Բելառուսի Առաջին տեղեկատվական ալիքը։

«Ես մի քիչ երկար մնացի իշխանության ղեկին, բայց համբերատար եղեք, որովհետև պետք է այստեղ լինեն փորձառու մարդիկ»,- ասել է Բելառուսի նախագահը։

Լուկաշենկոյի խոսքով՝ իշխանության կգա նոր սերունդ, բայց «պետք է նայեն և եզրակացություն անեն, թե ինչի է ընդունակ երիտասարդությունը»։ Նրա խոսքով, Բելառուսի ներկայիս ղեկավարությունը «սիրում է իր երկիրը, նրանք ցանկանում են պահպանել իրենց երկիրը ոչ այնքան իրենց, որքան իրենց երեխաների համար»։

«Դե, ես դեռ ուզում եմ ապրել»,- հավելել է Լուկաշենկոն։