Կոնստանտինովկայի ուղղությամբ ուկրաինական պաշտպանությունը փլուզվում է

Պոկրովսկ-Տորեցկ հատվածում` Կոնստանտինովկայի ուղղությամբ շարունակում է աչքի առաջ վատթարանալ ուկրաինական ուժերի վիճակը:

Այս հատվածում` Պոկրովսկ-Տորեցկ գծում ուկրաինական վերահսկողության ելուստի արեւմտյան թեւում (Քարտեզում) ռուսական ուժերը գրավել են առանցքային նշանակության Ալեքսանդրապոլ բնակավայրը: Դա ռուսներին հնարավորություն է տալիս ֆուրս գալ Զարյա, որի դեպքում ողջ ելուստը հիմքից կկտրվի:

Բացի այդ, ռուսական կողմը հայտարարեց Նովոլենովկայի ամբողջական գրավման մասին: Այս հատվածում ռուսներն այդպիսով դուրս են եկել Պոկրովսկ-Տորեցկ հիմնական մայրուղուց հարավ գտնվող ուկրաինական պաշտպանության հիմնական պաշտպանական բնագծի թիկունք` մայրուղով առաջանալով Կոնստանտինովկայի ուղղությամբ (Քարտեզում): Ավելի կոնկրետ, այս պահին մայրուղու շատ մեծ հատված արդեն ռուսների կայուն վերահսկողության տակ է, որն արդեն իսկ հսկայական խնդիր է Կոնստանտինովկայի ուղղությամբ ուկրաինական ուժերի համար: Այս հատվածի մատակարարումներն իրականացվում էին հենց այդ` Դնեպրոպետրովսճ-Պոկրովսկ-Կոնստանտինովկա մայրուղում, եւ երբ այն փակ է, ուկրաինական կողմը ստիպված է նաեւ փոխել իր ողջ լոգիստիկան, ինչը ներկա իրավիճակում շատ ծանր, եթե ոչ` անիրագործելի խնդիր է, հաշվի առնելով լոգիստիկ լյուս ուղիների ծանրաբեռնվածությունը եւ շատ հատվածներում` ռուսական չդադարող հարվածները:

Բացի այդ, ռուսական ուժերը դեպի Կոնստանտինովկա են շարժվում Տորեցկից, Չասով Յարից: Եվ այս համալիր խնդիրները սրվում են ամենօրյա ռեժիմով: