Կուտվի, բենզինով կուտվի. ԸՆԿԵՐ ՓԱՆՋՈՒՆԻ

ՔՈՉԱՐՅԱՆԻ ՏՐՏՈՒՆՋԸ

 (ՌՈԲԵՐՏ ՔՈՉԱՐՅԱՆԸ ՀԱՅԱՍՏԱՆՈՒՄ ՌՈՒՍԱԿԱՆ ՇՊԻՈՆԻ ԿԱՐԳԱՎԻՃԱԿ ՈՒՆԵՑՈՂ ՄԱՐԴ Է. ԱԼԵՆ ՍԻՄՈՆՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Էդ որ դուք սաղ ՔՊ-ականներով յոթ երկրի շպիոն եք, ադաթ ա, ես մենակ ռուսներինը` բեդա՞թ։

**

ԿՐԿՆԱԿԻ ԹԱԼԱՆ

 ( ԵԹԵ ՆԱԽԿԻՆՈՒՄ ԻՇԽԱՆՈՒԹՅԱՆ ՀԱՍԱԾ ԱԿՏԻՎԻՍՏՆԵՐԸ ՄԱՍՆԱԳԻՏԱՑՎԱԾ ԹԱԼԱՆՉԻՆԵՐ ԷԻՆ, ԱՊԱ ԱՅԺՄ ՄԵԶ ԹԱԼԱՆՈՒՄ ԵՆ ՇԱՏ ԱՎԵԼԻ ՓՆԹԻ ԿԵՐՊՈՎ. ԷԴՄՈՆ ՄԱՐՈՒՔՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

 Ըստ Կոռուպցիայի կանխարգելման համաշխարհային լիգայի` Հայաստանում չնայած գերագույն գլխավոր թալանչու փնթիությանը, թալանի որակը չի փոխվել։

**

 ԾԻԾԱՂԵԼԻ ԿԼԻՆԵՐ, ԵԹԵ ԱՅՍՔԱՆ ՏԽՈՒՐ ՉԼԻՆԵՐ

 (ԴԱՏԱՎՈՐ ԱՐՏՈՒՇ ԳԱԲՐԻԵԼՅԱՆԻ ՏԱՆ ԽՈՒԶԱՐԿՈՒԹՅԱՆ ԺԱՄԱՆԱԿ 500 000 ԴՈԼԱՐ ՀԱՅՏՆԱԲԵՐԵԼՈՒ ԿԱՊԱԿՑՈՒԹՅԱՄԲ)

 Երբ նախկինները Արցախը ազատագրած գեներալի գլխին սարքելով` մի երկու կանսերվա հայտնաբերեցին, օխլոսը հաճույքից ոռնում էր, իսկ երբ Նիկոլի արդարադատություն վաճառողի տնից 500 000 դոլար են հանում, բերանները ջուր են առել։

**

 ԿՈՒՏՎԻ, ԲԵՆԶԻՆՈՎ ԿՈՒՏՎԻ

 ( ՍԱՏՄ ՆԱԽԿԻՆ ՂԵԿԱՎԱՐ ԱՐՄԵՆ ԴԱՆԻԵԼՅԱՆԻՆ 30 ՏՈՆՆԱ ԲԵՆԶԻՆ ԵՎ ԱՇԽԱՏԱԿԻՑՆԵՐԻ ՊԱՐԳԵՎԱՏՐՈՒՄՆԵՐԸ ՅՈՒՐԱՑՆԵԼՈՒ ՀԱՄԱՐ` ԿԱԼԱՆԱՎՈՐԵԼՈՒ ՄԻՋՆՈՐԴՈՒԹՅՈՒՆ ՆԵՐԿԱՅԱՑՆԵԼՈՒ ԿԱՊԱԿՑՈՒԹՅԱՄԲ)

 Ասում են` ՍԱՏՄ պետ Արմենը աշխատողների սաղ պրեմիաները կերե՞լ ա, վրայից էլ 30 տոննա բենզին ա խմել։

 **

 ԴԱՍԱԿԱՆ

 (ՄԱՍԻՎԻ ԹԱՂԱՊԵՏԸ ՀԵՆՑ ԹԱՂԱՊԵՏԱՐԱՆՈՒՄ ՔԱՂԱՔԱՑՈՒՆ ԾԵԾԵԼՈՒ ԿԱՊԱԿՑՈՒԹՅԱՄԲ)

 Ախր ինչ եմ արել, մի մուշտի եմ տվել։

**

ՀԱՐՑԵՐԻ ՀԱՐՑԸ

(ԱԼԵՆԻ` ՌԴ ԴԵՍՊԱՆԻ ՀԵՏ ՀԱՆԴԻՊՈՒՄԻՑ ՀԵՏՈ ՀԱԿԱՌՈՒՍԱԿԱՆ ՀԱՅՏԱՐԱՐՈՒԹՅՈՒՆՆԵՐ ՀՆՉԵՑՆԵԼՈՒ ԿԱՊԱԿՑՈՒԹՅԱՄԲ)

 Արջն ականջիդ ի՞նչ ասաց ։

**

ԵՐԵՎԱՆՅԱՆ ՏԵՍԻԼՔՆԵՐ

Մի խելառի մտքով որ անցնում ա լուսադեմին հեծանիվ քշի, մի ամբողջ Պարեկային ծառայության ու ոստիկանության զորքերին ա հարամ  անում ու գցում Երեւանի փողոցները:

**

ՀԱՅԿԱԿԱՆ ԻՐԱԿԱՆՈՒԹՅՈՒՆ

«Հայաստան» դաշինքի չիրականացրած իմպիչմենտի գործընթացը Նիկոլը գցեց Չալոյի դեմը, չկերավ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝