Տարադրամի փոխարժեքները նոյեմբերի 18-ին Արարատի մարզը՝ «կոկորդիլոսագետ» Գարիկի կուռացիայի տա՞կ Ուկրաինայի համար բեռներ փոխադրող հերթական մեծ բեռնանավը ոչնչացվել է Սև ծովում (Տեսանյութ) Պուտինը, Թրամփը և Սի Ցզինպինը «ոտքի վրա» կարճ հանդիպում ունեցան ՍԻՄ նախագահը կուսակցության գրասենյակում ընդունել է ՄԱՍԿ նախագահին Սա գաղափարական հենքի վրա ձեւավորված միասնություն չէ․ Արամ Սարգսյան Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք... Թող իրենց բողոքն ուղղեն տոմս գնողների դեմ․ Կարեն Ղազարյան Հանրապետության շրջանների զգալի մասում սպասվում են տեղումներ

ԵՊՀ գիտխորհրդի դահլիճում հայրենակցական միության նախագահի ընտրությունը վատ նախադեպ եմ համարում. Բալասանյան

Հանդիպում

ԵՊՀ գիտխորհրդի դահլիճում, որը նախատեսված է ակադեմիական, գիտակրթական նպատակների համար՝ անցկացվել է «Տավուշ» հայրենակցական միության համագումարը, որի ընթացքում նախագահ է ընտրվել «Քաղաքացիական պայմանագիր» կուսակցության վարչության անդամ, Հայաստանի պետական վերահսկողության ծառայության ղեկավար Ռոմանոս Պետրոսյանը, որը ծնունդով Չինարի գյուղից է: Այս մասին «Իրավունք»-ը զրուցել է ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ, տավուշցի ԳՐԻԳՈՐ ԲԱԼԱՍԱՆՅԱՆԻ հետ:

— Դուք, լինելով ծնունդով Տավուշից, մասնակցե՞լ եք «Տավուշ» հայրենակցական միության համագումարին եւ նախագահի ընտրությանը:

— Միանգամից ասեմ, որ չեմ մասնակցել: Քանի որ այս հարցով շատ են դիմել ինձ, հարկ եմ համարում պարզաբանել, որ «Տավուշ» հայրենակցական միությունը բաղկացած է նախկին Շամշադինի շրջանի ազգաբնակչությունից, եւ դա մարզի մյուս բնակավայրերի հետ որեւէ կապ չունի: Հետեւաբար, ես լինելով ծագումով Տավուշի մարզից, բայց ոչ Շամշադինից, բնականաբար, այդ հայրենակցական միության անդամ չեմ: Պարզապես, անունն է խառնաշփոթ առաջացնում:

— Այդուհանդերձ, ինչպե՞ս եք վերաբերում նրան, որ համագումարն ու ընտրությունը տեղի է ունեցել Երեւանի պետական համալսարանի գիտխորհրդի դահլիճում:

— Ինձ համար մի փոքր տարօրինակ է առհասարակ հայրենակցական միության նիստի անցկացումը Երեւանի պետական համալսարանի գիտական խորհրդի դահլիճում, քանզի այդտեղ անցկացվում են բացարձակապես ԵՊՀ գիտխորհրդի նիստերը եւ այն բարձրաստիճան պատվիրակությունների ընդունելությունները, որոնք պարբերաբար ժամանում են համալսարան: Խոսքը ե՛ւ տարբեր համալսարաններից, ե՛ւ պետական տարբեր կառույցներից ժամանող բարձրաստիճան պատվիրակությունների մասին է: Իսկ հայրենակցական միության նախագահի ընտրության կազմակերպումը ԵՊՀ գիտական խորհրդի դահլիճում վատ նախադեպ եմ համարում, որովհետեւ սա կարող է դոմինոյի էֆեկտ ստանալ: Մյուս հայրենակցական միությունները եւս կարող են չդիմանալ «գայթակղությանը» եւ իրենք եւս որոշեն ԵՊՀ գիտխորհրդի դահլիճում հավաքներ ու նիստեր անցկացնել:

— «Տավուշ» հայրենակցական միության նախագահ ընտրվեց Ռոմանոս Պետրոսյանը, որը թեպետ Չինարիից է, բայց այնտեղ հաստատ չի բնակվում: Ի՞նչ կասեք այս մասին:

— Գիտեք, սովորաբար հայրենակցական միության ղեկավարը լինում է մարդ, ով կա՛մ պետական բարձր պաշտոն է զբաղեցնում, կա՛մ գիտական շատ բարձր կոչում եւ ճանաչում ունի: Հաշվի առնելով, որ «Տավուշ» հայրենակցական միության  նորընտիր նախագահը Պետական վերահսկողական ծառայության ղեկավարն է, սա օրինաչափ եմ համարում: Մեծ հաշվով՝ նշանակություն չունի եւ երբեք էլ չի ունեցել, թե տվյալ մարդն ապրում է արդյոք հայրենի գյուղում, թե՝ ոչ: Հաշվի է առնվում նրա ծագումը, որ Շամշադինի տարածաշրջանի գյուղերից է եւ հետեւաբար ունի հնարավարություն դառնալ «Տավուշ» հայրենակցական միության նախագահ:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ