Նիկոլի առջև կանգնած են երկու հիմնական սցենար՝ երկուսն էլ՝ քաղաքական և բարոյական կորուստներով. Կարապետյան

Նիկոլի առջև կանգնած են երկու հիմնական սցենար՝ երկուսն էլ՝ քաղաքական և բարոյական կորուստներով։

 

Սցենար 1. Գնալ արտահերթ ընտրությունների ճանապարհով

 

Եթե Նիկոլը որոշի գնալ արտահերթ ընտրությունների Երևանում, նա միաժամանակ կորցնում է՝

 

Քաղաքապետին եվ իր ձևավորած կոալիցիոն կառույցը քաղաքապետարանում։

 

Այս ընտրությունների արդյունքը մեծ հավանականությամբ կլինի հերթական պարտությունը՝ ինչպես արդեն տեսանք Գյումրիում և Փարաքարում։

Սա կնշանակի համապետական ընտրություններից առաջ քաղաքական լուրջ հարված և անխուսափելի պարտության նախերգանք:

 

Սցենար 2. Չգնալ արտահերթի և պահել բռնություն կիրառած թաղապետին

Այս պարագայում Նիկոլը դե ֆակտո դառնում է մի հանցագործության համաՄԱՍՆԱԿԻՑ՝ պաշտպանելով թաղապետի ակնհայտ ապօրինի գործողությունները։ Այս քայլով նա`

 

Սեփական բարոյական կապիտալն է իջեցնում (եթե այն դեռ մնացել է),

 

Ցույց է տալիս, որ ժողովրդավարությունը գործիք է՝ օգտագործելու և մերժելու ըստ անհրաժեշտության,

 

Եվ դարձյալ խաթարում է իր թիմի նկատմամբ հանրային վստահությունը։

Միաժամանակ՝ այս ուղին ժամանակավորապես պահպանում է քաղաքական կառույցները՝ կոալիցիան, քվեարկությունների վերահսկումը քաղաքապետարանում, բայց երկարաժամկետ տեսանկյունից խորացնում է հանրային ցասումը։

 

Եթե Նիկոլը գիտակցաբար ընտրում է այս ուղին՝ տրվելով շանտաժի, խուսափելով հանրային կամքի ստուգումից, ապա նա իր թիմի աչքերում դադարում է լինել վարչապետ և վերածվում է քաղաքական մաշված գործիքի՝ փաթեթավորված իշխանության մեջ, բայց զուրկ դրա իսկական բովանդակությունից», - գրել է քաղաքական մեկնաբան ԱՆԻ ԿԱՐԱՊԵՏՅԱՆԸ։