Ինչու հայ վետերանները դեռ չեն ստացել Մեծ հաղթանակի 80-ամյակի մեդալները

Հայաստանի Վետերանների միավորման նախագահ գնդապետ ՍԻՄՈՆ ԵՍԱՅԱՆԸ մտահոգություն է հայտնում, որ հայ վետերանները դեռ չեն ստացել Հայրենական պատերազմի մեծ հաղթանակի 80-ամյակի մեդալները։

— Այսօրվա դրությամբ ՀՀ-ում բնակվում են Հայրենական մեծ պատերազմի 32 մասնակից, նրանց թվում են նաեւ, կառավարության որոշմամբ, երկու գերության մեջ գտնված եւ Լենինգրադի բլոկադայի յոթ մասնակից։ Մյուս 23-ը Հայրենական մեծ պատերազմի մասնակիցներն են։ Մայիսի 9-ին երկու հոգի մասնակցելու է Մոսկվայում կայանալիք շքերթին, երկու հոգի գնալու են Լենինգրադ, երկու հոգու հարազատներ, որոնք մասնակցել են Ճապոնիայի դեմ մարտերին, գնալու են Չինաստան։ Մի վատ լուր՝ մինչեւ օրս նախկին ԽՍՀՄ հանրապետություններից միայն մեր հանրապետությունն է, որտեղ վետերանները չեն ստացել Հայրենական մեծ պատերազմի հաղթանակի 80-ամյակի մեդալներ։ Չգիտեմ՝ դա ինչու է ձգձգվում։ 4-5 ամիս առաջ ենք ցուցակները ներկայացրել:

ՀՐԱՆՏ ՍԱՐԱՖՅԱՆ