«Хотели как лучше, получилось, как всегда». Կառավարությունը հերթական ինքնանպատակ որոշումն է կայացրել

ՀՀ էկոնոմիկայի նախարարությունը տեղեկացրել էր, որ 2025 թվականի ապրիլի 27-ից ուժի մեջ է մտել «Առևտրի և ծառայությունների մասին» օրենքում կատարված փոփոխությունը, որը սահմանում է կաթնամթերքի վաճառքի նոր կարգ։Ըստ այդմ`

Կանաչ դարակաշարերում տեղադրվելու է կաթնամթերք՝ առանց կաթնային յուղի (կաթնային ճարպի) փոխարինիչի: Նարնջագույն դարակաշարերում՝ կաթնամթերք, որը պարունակում է կաթնային յուղի (կաթնային ճարպի) փոխարինիչ: Դարակաշարերի վրա նշումները պարտադիր կլինեն «Առանց կաթնային յուղի փոխարինիչի» և «Պարունակում է կաթնային յուղի փոխարինիչ» անվանումով տեղեկատվական պիտակներով։ Կաթնամթերք գնելիս ուշադրություն պետք է դարձնել դարակաշարերի գույներին։

Տնտեսվարողների համար, որոնք չեն ապահովի կաթնամթերքի պատշաճ տեղադրումն ըստ սահմանված կարգի, սահմանված է վարչական տույժ։

Պարզվում է, սակայն, վերը նշվածը Կառավարության հերթական ինքնանպատակ որոշումներից է, որին անգամ իրենք չեն հետևում էդ որոշումների կատարմանը:  Արդեն երեք օր է, ինչ պետք է, որ խանութներում տարբեր գույներով տարբերակված լինեին կաթով պատրաստված կաթնամթերքը և դրա փոխարինիչով պատրաստվածները: Մինչդեռ ոչ միայն փոքր խանութներում, այլև խոշոր սուպերմարկետներում այդ պահանջը մինչ այսօր կատարված չէ, որ աշխատողներին հարցնում ենք, ասում են՝ մենք Ձեզ բանավոր կասենք, որն է կաթով, որը փոխարինիչով,: Մենք գիտենք ու ըստ իրենց «ասածի» շուկայում առկա կաթնամթերքի 98% կաթով է, մինչդեռ ավելի վաղ տարբեր հետազոտությունների շրջանակում արված լաբորատոր ուսումնասիրությիւնները բազում արտադրողների մոտ բաղադրության խախտումներ էին հայտնաբերել, երբ աշխատողին ասում ես՝ դժվար 200 դրամով վաճառվող թթվասերը մաքուր կաթից լինի, ուսերը թոթվում է ու ասում՝ ճիշտն ասած, մենք էլ չենք հավատում, բայց մեզ ասել են՝ տենց ասեք: Ստացվում է, որ կառավարությունը հերթական «хотели как лучше, получилось, как всегда» որոշումն է ընդունել:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝