Մեղքն ընդունելու համար ստիպե՞լ են. ԸՆԿԵՐ ՓԱՆՋՈՒՆԻ

ԵԶՐԱՀԱՆԳՈՒՄ
(ՀՅԴ-ԱԿԱՆՆԵՐԻ ԵՎ ՔՊ-ԱԿԱՆՆԵՐԻ` ՎԵՐՋԵՐՍ ԱԿՏԻՎԱՑԱԾ ՏՈՒՐՈՒԴՄՓՈՑՆԵՐԻ ԿԱՊԱԿՑՈՒԹՅԱՄԲ)
Սանէպիդ ծառայությունից հայտնում են, որ չնայած ՀՅԴ-ն տարիքն առած կուսակցություն է, սակայն մոռացել է մեկ ակնհայտ փաստ, որ ինչի հետ շփվում ես, դրա հոտն էլ վրայիցդ գալիս է։
**
ՏԵՍԱԿԵՏՆԵՐԻ ԲԱԽՈՒՄ
(ԼԵԴ ԼՈՒՍԱՏՈՒՆԵՐԸ ԱԶԴՈՒՄ ԵՆ ԾՏԵՐԻ ՄԻԳՐԱՑԻԱՅԻ ՎՐԱ` ԱՎԻՆՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)
Ըստ Միգրացիոն ծառայության` երեւի ազդում է, որ ինքը ՔՊ-ից հայտնվել է քաղաքապետարանում։
**
ՀԱՄԱՐՅԱ ՍՆԱՅՊԵՐ
( ՍՅԱՄՈՅԻ` 92 ԹՎԻՑ ԱՐՑԱԽԻ ԱԶԱՏԱԳՐՄԱՆ ԲՈԼՈՐ ՕՊԵՐԱՑԻԱՆԵՐԸ ԵՍ ԵՄ ՊԼԱՆԱՎՈՐԵԼ ԵՎ ԻՐԱԿԱՆԱՑՐԵԼ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)
Ըստ ռազմական տեսաբանների` Սյամոյի բոլոր օպերացիաների մասին կարծիք կազմել չեն կարող, բայց այ, որ Արկադի Ղուկասյանի վրա մի ավտոմատի մագազին դատարկելուց հետո մենակ ոտքին է խփել, դա պրավալ է։
**
ՈՂԲԱԼԻ ՎԻՃԱԿ
(89.5%-ՈՎ ՄԱՐԴԿԱՆՑ ԹՐԱՖԻՔԻՆԳԻ ՀԱՆՑԱԳՈՐԾՈՒԹՅՈՒՆՆԵՐԻ ԱՃԻ (2023 ԹՎԱԿԱՆԻՆ՝ 19 ԴԵՊՔ, 2024 ԹՎԱԿԱՆԻՆ՝ 36 ԴԵՊՔ) ՄԱՍԻՆ ԳԼԽԱՎՈՐ ԴԱՏԱԽԱԶԻ
ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)
Ըստ թրաֆիքինգագետների, եթե սրան գումարեն նաեւ Նիկոլի կողմից թրաֆիքինգի ենթարկված ՔՊ -ականներին, աճի թվերը աստղաբաշխական կլինեն։
**
РЕПЕТИЦИЯ
(ՍՏԱՄԲՈՒԼՈՒՄ ՏԵՂԻ ՈՒՆԵՑԱԾ ԵՐԿՐԱՇԱՐԺԻ ԿԱՊԱԿՑՈՒԹՅԱՄԲ)
«Լեմկինի» ինստիտուտից հայտնում են, որ այդ երկրաշարժը Հայոց
ցեղասպանության զոհերի հիշատակի նախօրեին Ստամբուլը արյան ծով դարձնելուց առաջ թերեւս վերջին փորձարկումն էր:

**

ՇՈՈՒՆ ՇԱՐՈՒՆԱԿՎՈՒՄ Է, ՊԱՐՈՆԱՅՔ

Ըստ Պոլոզ Մուկուչի` գյումրեցիներն ընտրությունների արդյունքում Վարդանիկին քաղաքապետ դարձրին, մնաց ընկեր Մարգոյին էլ մարզպետ նշանակեն ու պըրծ:

**

ՀՌԵՏՈՐԱԿԱՆ ՀԱՐՑ ԿԱՐԳԻՆ ՀԱՅԿՈՅԻՆ

Հայկո, հիմա որ դու ընդդիմություն ես դարձել, ի՞նչ գույն ես` սեւ, սպիտակ, թե՞ զոլավոր:

**

ՆԻԿՈԼԻ ԴԻՄԱԿԸ ՊԱՏՌԵՑԻՆ

Ըստ հոգեւորականների` 2015-ին Ցեղասպանության զոհերին սրբադասելուց հետո` Ցեղասպանությունն ուրանալը ինչ է, եթե ոչ սրբապղծություն:

**

ՓԱԽԻՐ-ՓՐԿՎԻՐ

Ըստ Ցեղասպանության թանգարան- ինստիտուտի` Հայոց ցեղասպանությունն ուրացողների համար Թուրքիային կապող Մարգարայի կամուրջը կյանքի եւ փրկության ճանապարհ է:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝