Ջահերով երթին մասնակցած երիտասարդների քանի տոկոսն է ազատվել բանակից. Հայտնի փաստաբանի ուշագրավ գրառումը

Ընդունված է կարծել, որ ավելի քան երբևէ անհրաժեշտ է համախմբվել՝ դիմակայելու համար ներքին, արտաքին մարտահրավերներին, բայց արի ու տես, որ փորձություններով լի այս օրերին որոշ անձանց ամբիցիաներն ավելի գերակա են, քան պետական շահը։
Ո՞վ կարող է լուսաբանել երեկվա ջահերով երթի իրավական, քաղաքական նշանակությունը, դրա օգտակար գործողության գործակիցը և անենակարևորը. Ջահերով երթին մասնակցած երիտասարդների քանի տոկոսն է ազատվել բանակից։
Այսօր բանակից ամեն կերպ խուսափած հայը խոսում է Արցախը ետ բերելուց, Ստամբուլն արյան ծով դարձնելուց, իսկ իրական հերոսներն այսօր ապրում են արհամարհված, լքված, կարիքի մեջ։
Որքան ցավ ու տառապանք կա Նժդեհի վերջին խոսքում՝ Շնորհակալ եմ քեզանից, ապերախտ հայ ազգ։
Իրավամբ, դեռ երկար ժամանակ կկրկնվի պատմությունը, քանի օրենքի դիկտատուրան չի տիրի Հայաստանում, որի ուժով բացառապես ի հայտ կգան Նժդեհներն ու Անդրանիկները՝ Հայու գենի իրավատերերը։

Լևոն Բաղդասարյան, փաստաբան