Ղրիմը Զելենսկու համար ամենահեշտ զիջումը պետք է լինի. Դեյվիդ Սաքս

Թրամփի խորհրդական, գործարար Դեյվիդ Սաքսի խոսքով` Ղրիմը Զելենսկու համար ամենահեշտ զիջումը պետք է լինի, քանի որ.

«1) Վերջին տասնամյակում այն ​​եղել է Ռուսաստանի կազմում։
2) Նրա բնակչության ճնշող մեծամասնությունը էթնիկ ռուսներ են, ովքեր (ինչպես ցույց են տալիս արևմտյան հարցումները) ցանկանում են լինել Ռուսաստանի կազմում։
3) Ուկրաինան իրական ռազմական հնարավորություն չունի վերադարձնելու այն: 2023 թվականի ամռանը ձախողված հակահարձակումը հստակ ցույց տվեց դա։

Եթե ​​Զելենսկին այստեղ չզիջի, նա ոչ մի բանի չի զիջի, ուստի նրա հետ գործարքն անհնար է։ Պետքարտուղարն իրավացի է, որ հեռանում է բանակցություններից»:

Այսինքն, Ղրիմը Զելենսկու համար միայն առաջին զիջումն է: Դրան պետք է հաջորդի այս պահին ռուսական վերահսկողության տակ գտնվող մյուս տարածքներից, ապա նաեւը` ՆԱՏՕ մտնելու հեռանկարներից հրաժարվելը: Այսիքն, Ռուսաստանը ստանում է այն ամենը, ինչի մասին խոսում էր դեռ պատերազմից առաջ եւ ինչը դրված էր հենց պատերազմ սկսելու հիմքում: Եվ այդ ամենը զիջելով, Զելենսկին արդեն ուկրաինական ժողովրդին պետք է պատասխան տա` իսկ ինչի՞ համար էին այս պատերազմի ընթացքում կրած ահռելի կորուստները:

Բայց եթե այս պահին Զելենսկին չենթարկվի, ապա, դատելով Սաքսի խոսքից, Վաշինգտոնը պարզապես Կիեւին կհամարի բանակցությունների ոչ ընդունակ կողմը` դուրս գալով ուկրաինական ուղղությունից: Իսկ դա, Կիեւից էլ առաջ, Եվրոպայի համար է մղձավանջ:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝