Ոչ թե 3, այլ 13 միլիոն ենք. ֆրանսահայ երգիչ Եսայի Ալթունյանը միացավ Ջահերով երթին
Մշակութային
Երեւանում է ֆրանսահայ երգիչ, դերասան ԵՍԱՅԻ ԱԼԹՈՒՆՅԱՆԸ՝ հանրահայտ աստղ, որը ոչ միայն ձայն ունի, այլ նաեւ ազգային ոգի: «Իրավունք»-ի տեսախցիկը ֆիկսել է, որ նա հազարավոր հայորդիների հետ մասնակցեց Ջահերով երթին՝ Հանրապետության հրապարակից մինչեւ Ծիծեռնակաբերդ։ Ի դեպ, սա նրա առաջին մասնակցությունը չէր։ Դեռեւս 2016 թվականին, երբ նա առաջին անգամ միացավ Ջահերով երթին, «Իրավունք»-ի հետ զրույցում նշել էր, որ իր պարտքն է համարում միանալ այն հազարավոր մարդկանց, ովքեր Երեւանի կենտրոնից մինչեւ Ծիծեռնակաբերդի բարձունքն են գնում ոտքով ու իրենց հարգանքի տուրքն են մատուցում 1,5 միլիոն նահատակներին:
«Ինձ համար շատ կարեւոր է այս ամենը, որովհետեւ իմ պապիկս՝ Նշանն էլ է 1915 թվականի միջով անցել: Ցեղասպանության ժամանակ պապիկս ընդամենը 6 տարեկան է եղել եւ բախտի բերմամբ է մազապուրծ եղել Խարբերդից: Նա ինձ է փոխանցել հայկական ուժն ու բարությունը: Այսօր միասին քայլում ենք դեպի Ծիծաեռնակաբարդ, տխուր օր է, բայց ես զգում եմ հայի ջերմությունն ու միասնության ուժը»,- ասել է Եսայի Ալթունյանը:
Ըստ ֆրանսահայ երգչի, ամեն սփյուռքահայ պետք է Հայաստան գա դժվարին օրերին, որպեսզի Ցեղասպանությունը նորից չկրկնվի, որ աշխարհը չմտածի, թե մենք միայն 3 միլիոն ենք:
«Ո՛չ պատերազմին, ես այստեղ եմ՝ Հայաստանում, որովհետեւ ուզում եմ աջակցել մեր ժողովրդին , մեր սահմաններին կանգնած զինվորներին: Եթե ազերիները պատերազմ՝ Ցեղասպանություն են ուզում իրականցնել, ապա թող իմանան՝ ոչ թե 3, այլ 13 միլիոն ենք, Սփյուռքը Հայաստանի թիկունքում է: Կարեւոր է, որ ամեն սփյուռքահայ Հայաստանի համար դժվարին օրերին այստեղ լինի: Ես հիշում եմ եւ պահանջում՝ ճանաչել Հայոց ցեղասպանությունը, սա է իմ կոչը բոլորին», - շեշտել է Հայոց ցեղասպանությանը նվիրված «Չեմ մոռանա» երգի հեղինակը:
Նշենք նաեւ, որ երգչի Նշան պապը ժամանակին գիրք է հրատարակել, որպեսզի երբեք չմոռանա իր եւ 1915 թվականին հայ ժողովրդի հետ կատարվածը։ Գիրքը կոչվում է «Անապատի երեխան»: Եսային հավատում է, որ հիմա իր ժամանակն է խոսելու եւ երգելու պատմության այս ողբերգական ժամանակահատվածի մասին։
ՀՐԱՆՏ ՍԱՐԱՖՅԱՆ
Մայր Աթոռի ԳԽ-ի կազմից դուրս են եկել Աբրահամ, Գևորգ և Վազգեն Սրբազանները. Տեր Եսայի 
Ցավալի է, բայց ծիծաղում եմ 
Մայր Աթոռում տեղյակ չեն՝ ինչու են ձերբակալել Արշակ Սրբազանին․ Տեր Եսայի քահանա Արթենյան 
Եպիսկոպոսներն ու արքեպիսկոպոսները պատշաճ տեղեկացված են եղել, սակայն չեն պարզաբանել, թե ինչու չէին ներկայացել Գերագույն խորհրդի նիստին․ Տեր Եսայի քահանա Արթենյան 
Հայ ժողովուրդը բազմաթիվ փորձություններ է ապրել, սակայն դրանք հաղթահարել է Աստծո օգնությամբ և իր պատգամների շնորհիվ. Տեր Եսայի 
1
25631 դիտում
2
3851 դիտում
3
2280 դիտում
4
2090 դիտում
5
1994 դիտում
1
41872 դիտում
3
8977 դիտում
4
8133 դիտում
5
5096 դիտում
3
17950 դիտում
4
10528 դիտում
5
9917 դիտում
