Թրամփի «վերջնական առաջարկը» ներառում է Ռուսաստանի վերահսկողությունը օկուպացված տարածքների նկատմամբ. Axios

Ուկրաինայի վերաբերյալ Թրամփի «վերջնական առաջարկը» ներառում է Ռուսաստանի վերահսկողությունը օկուպացված տարածքների նկատմամբ: Այս մասին հայտնում է Axios-ը:

Ինչ է ստանում Ռուսաստանը Թրամփի ծրագրով.
Ղրիմի դե յուրե ճանաչում որպես ռուսական,
Ռուսաստանի կողմից օկուպացված տարածքների նկատմամբ վերահսկողության փաստացի ճանաչում,
Ուկրաինայի՝ ՆԱՏՕ-ին անդամակցելու մերժումը, սակայն այն կարող է դառնալ ԵՄ-ի մաս,
2014 թվականից կիրառվող պատժամիջոցների վերացում,
Համագործակցություն ԱՄՆ-ի հետ էներգետիկայի և արդյունաբերության ոլորտներում, ինչը նաեւ ԱՄՆ-ն է շատ ցանկանում:

Ինչ է առաջարկվում Ուկրաինային.
Անվտանգության երաշխիքներ մի խումբ երկրներից՝ առանց ԱՄՆ մասնակցության,
Փոքր տարածքի վերադարձ Խարկովի մարզում,
Անխոչընդոտ անցում Դնեպր գետի երկայնքով, որն անցնում է հարավային ճակատի գծով,
Փոխհատուցում և աջակցություն վերակառուցման հարցում, սակայն չի նշվում, թե ում հաշվին։

Այլ մանրամասներ.
▪️ Զապորոժեի ԱԷԿ – պաշտոնապես ուկրաինական, բայց ԱՄՆ ղեկավարությամբ էներգակիրներ է մատակարարում ինչպես Ուկրաինային, այնպես էլ Ռուսաստանին:
Փաստաթղթում նշվում է օգտակար հանածոների մատակարարման մասին ԱՄՆ-ի և Ուկրաինայի միջև համաձայնագիրը, որը, ըստ Թրամփի, կստորագրվի վաղը։

Փորձագետների կարծիքով, շատ մեծ հավանականությամբ Կիեւը Բրիտանիայի ճնշմամբ այս պայմանենրից կհրաժարվի: Արդյունքում, ԱՄՆ-ն դուրս կգա ուկրաինական գործընթացից` շարունակելով ՌԴ-ի հետ բանակցությունները երկկողմ հիմունքներով: ԵՄ-ն, թեեւ խոսում է Ուկրաինային սպառազինություն մատակարարելուց, սակայն այդ պոտենցյալն ակնհայտորեն չունի` ինչպես ֆինանսական, այնպես էլ` զենքի արտադրության ցածր ծավալների պատճառով: Իսկ ռուսական բանակը կշարունակի էլ ավելի մասշտաբային հարձակում:Պ