Հոլիվուդյան զույգի ավարտը․ Մայքլ Դուգլասը բաժանվում է Քեթրին Զետա-Ջոնսից

Ախ կանայք 21 Ապրիլ, 2025 16:20

Հոլիվուդի ամենահայտնի զույգերից մեկը՝ Մայքլ Դուգլասն ու Քեթրին Զետա-Ջոնսը, ըստ լրատվամիջոցների, պատրաստվում են բաժանվել՝ 25 տարվա համատեղ կյանքից հետո։ Թեև զույգը դեռևս պաշտոնական հայտարարությամբ հանդես չի եկել, շրջանառվում են լուրեր, որ արդեն սկսվել է զույքի բաժանումը, ինչը կարող է վկայել հարաբերությունների ավարտի մասին։

Բաժանման մասին խոսակցությունները սկսվել են այն բանից հետո, երբ հայտնի դարձավ Զետա-Ջոնսի նոր նախագծի մասին։ Դերասանուհին գլխավոր դեր է ստացել Prime Video-ի «Kill Jackie» սերիալում, որի նկարահանումները տեղի են ունենալու տարբեր երկրներում և տևելու են երկար ժամանակ։ Սա ենթադրում է երկարատև բաժանում ամուսնուց, ինչը, ինչպես նշում են աղբյուրները, միայն խորացրել է զույգի միջև լարվածությունը։

Դուգլասն ու Զետա-Ջոնսը ամուսնացել են 2000 թվականին։ Նրանք երկու երեխաներ ունեն՝ Դիլանը և Կարիսը։ 2013 թվականին զույգը արդեն իսկ բախվել էր հարաբերությունների ճգնաժամի՝ ժամանակավորապես բաժանվելով, սակայն հետագայում վերամիավորվեցին։ Ներկայումս ոչ Դուգլասը, ոչ Զետա-Ջոնսը պաշտոնապես չեն մեկնաբանել իրավիճակը։ Նրանց ներկայացուցիչներն էլ հրաժարվել են արձագանքել մամուլի հարցումներին։

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Հոլիվուդյան զույգի ավարտը․ Մայքլ Դուգլասը բաժանվում է Քեթրին Զետա-Ջոնսից

Փոխարժեք