Պարույր Հայրիկյանը վերընտրվեց ԱԻՄ նախագահ

Երեւանում տեղի ունեցավ «Ազգային Ինքնորոշում Միավորում» կուսակցության (ԱԻՄ) 29-րդ համագումարը, որին ներկա էին բազմաթիվ հյուրեր, այդ թվում՝ ՍԻՄ կուսակցության նախագահ Հայկ Բաբուխանյանը, «Համերաշխություն» կուսակցության ղեկավար Սարգիս Ավետիսյանը, Լեհաստանում ՀՀ նախկին դեսպան, ՍԴ աշխատակազմի նախկին ղեկավար Էդգար Ղազարյանը, «Արաբո» ջոկատի հրամանատար Մանվել Եղիազարյանը, «Շանթ Դաշինք» ազգայնական կուսակցության նախագահ Շահեն Հարությունյանը և այլք։

Միջոցառման գլխավոր առանցքը, ինչպես կարելի էր սպասել, դարձավ Պարույր Հայրիկյանի ծավալուն եւ վերլուծական ելույթն էր։ Նա ետադարձ հայացք գցեց պատմությանը, խոսեց ներկայի մարտահրավերների մասին, անդրադարձավ իշխանության՝ Սահմանադրությունը փոխելու մտադրություններին, ներկայացրեց երկրի սոցիալ-տնտեսական, քաղաքական ու բարոյահոգեբանական վիճակի ամբողջական պատկերը՝ չթաքցնելով ո՛չ խնդիրները, ո՛չ էլ լուծման ԱԻՄ-ականների տեսլականը։

Համագումարի ընթացքում դադարեցվեց ԱԻՄ նախագահության գործող կազմի լիազորությունները եւ կայացան նոր ընտրություններ։ Թեպետ բոլորը ԱԻՄ-ականները միաձայն կողմ էին Պարույր Հայրիկյանի վերընտրությանը, սակայն վերջինս, հավատարիմ մնալով բացարձակ ժողովրդավարական սկզբունքներին, առաջարկեց, որ առաջադրվեն նաեւ այլ թեկնածուներ։ Արդյունքում առաջադրվեցին եւս երկու հոգի, սակայն նրանք կոչ արեցին ձայները տալ հենց Հայրիկյանին։

Այսպիսով՝ ԱԻՄ նախագահ վերընտրվեց Պարույր Հայրիկյանը։

ՀՐԱՆՏ ՍԱՐԱՖՅԱՆ