Երեւանը պահանջում է՝ «Ազատություն քաղբանտարկյալ Արթուր Վարդանյանին»

Երեւանի փողոցները սկսել են «խոսել»՝ շատերի փոխարեն: «Իրավունք»-ի ֆոտոխցիկը ֆիքսել է, որ տարբեր վարչական շրջաններում մայրաքաղաքի մի շարք փողոցներ ողողված են թռուցիկներով՝ «Ազատություն քաղբանտարկյալ Արթուր Վարդանյանին» պահանջով։

Կանգառներում, լուսային խողովակների վրա, շենքերի մուտքերի մոտ փակցված լուսանկարներում «Համահայկական ազգային պետականություն» կուսակցության նախագահ Արթուր Վարդանյանի դեմքն է, իսկ պահանջն՝ ուղիղ ու կտրուկ՝ «Անհապաղ ազատություն»:

Արդեն 10 ամիս է, ինչ Արթուր Վարդանյանը գտնվում է կալանքի տակ, նրան սպառնում է 9 տարվա ազատազրկում՝ 9 տարի առաջ հարուցված «Նորք-Մարաշի» գործով: Երբ թվում էր, թե վերոնշյալ գործը սպառվել է իրավական հարթակում, հանկարծ՝ 9 տարի անց Արթուր Վարդանյանը կրկին հայտնվում է ճաղերի հետեւում՝ այն էլ՝ առանց ծանուցման, առանց օրինական գործընթացի։

Արթուր Վարդանյանին ուղղակի փողոցից առեւանգել են՝ 2024 թվականի հունիսի 19-ին, նախօրոք Վճռաբեկ դատարանում գործի վարույթը մերժելուց հետո։ Այն, որ սա իշխանությունների քաղաքական հաշվեհարդարն է ընդդիմադիր գործունեություն ծավալած գործչի նկատմամբ, փաստել են մի շարք քաղաքական ուժերի ներկայացուցիչներ, հասարակական գործիչներ։ Այսօր Ա. Վարդանյանը գտնվում է «Արմավիր» քրեակատարողական հիմնարկում:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝