Ապրիլի 16-ը Հայ կինոյի օրն է. ինչ միջոցառումներ են նախատեսված

Ապրիլի 16-ը Հայ կինոյի օրն է, որի շրջանակում նախատեսվում են մի շարք միջոցառումներ և ֆիլմերի ցուցադրություններ:

Ապրիլի 16

Քայլերթ Երևան քաղաքում՝ Երևանի թատրոնի և կինոյի պետական ինստիտուտի բակից (Ամիրյան 26) մինչև Երևանի Շ․ Ազնավուրի անվան հրապարակ (Աբովյան 18, «Մոսկվա» կինոթատրոնի բակ)։ Քայլերթի երթուղին՝ Ամիրյան 26, Մեսրոպ Մաշտոցի պողոտա, Եզնիկ Կողբացի փողոց, Զաքյան փողոց, Տերյան փողոց, Աբովյան փողոց, Փավստոս Բուզանդի փողոց, Արամի փողոց, Պուշկինի փողոց, Աբովյան 18:

Հ. Մալյանի անվան կինոդերասանի թատրոնի Հ. Թումանյանի «Հեքիաթներ» ներկայացում. «Բարեկենդանը» (տևողությունը՝ 7 րոպե), «Կացին ախպերը» (տևողությունը՝ 7 րոպե), «Սուտլիկ որսկանը» (տևողությունը՝ 7 րոպե)։ Հասցե՝ Երևան, Աբովյան 18։

Պրոֆեսիոնալ գիլդիաների 2-րդ մրցանակաբաշխություն. ոսկե մեդալի, պատվոգրերի, շնորհակալագրերի հանձնում կինոոլորտում իրենց ավանդն ունեցած անձանց։ Վայրը՝ Կինոյի տան մեծ դահլիճ (հասցե՝ Վարդանանց 18):

Հանրային հեռուստաընկերությամբ Ֆրունզե Դովլաթյանի «Բարև, ես եմ» 1965 թ. ֆիլմի 4K վերականգնված տարբերակի հեռուստապրեմիերա (ֆիլմի տևողությունը՝ 137 րոպե)։

Ապրիլի 17

Հանդիպում Հայաստանի կինոյի հիմնադրամի միջմշակութային հաղորդակցության համակարգող, Եվրիմաժում հայաստանյան ներկայացուցիչ Սուսաննա Հարությունյանի հետ։ Հանդիպման թեմա՝ Եվրիմաժի գործունեությունը և առավելությունները, դիմելու ընթացակարգերը։ Հարց ու պատասխան։ Տևողությունը՝ 1,5 ժամ, վայրը՝ Հայաստանի կինոյի հիմնադրամ (հասցե՝ Տերյան 3Ա):

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝