Ջրի վարձի հետ «կինդեր սյուրպրիզներ» են գալիս. «Վեոլիա» ջրի արկածները շարունակվում են

Օրեր առաջ Իրավունքը անդրադարձել 44-օրյա պատերազմում միակ որդուն, կերակրողին կորցրած ծեր թոշակառուների ահազանգին, թե ինչ անմարդկային վերաբերունք եւ անգործություն են ցուցաբերում «Վեոլիա ջրի»  ղեկավարությունը: Եվ ահա մի ահազանգից դեռ չպրծած հաջորդ ահազանգն ենք ստանում: Պարզվում է «Վեոլիա ջուրը» ափաշյքարա մտնում է քաղաքացիների գրպանը ու ոչ 1000-2000 դրամով, այլ ոչ ավել ոչ պակաս օրինակ 50 հազար դրամով: Մասնավորապես մեզ է դիմել քաղաքացի, ով նշում է հետեւյալը.

-«Վեոլիա ջրից» եկան, թե բա պետք է հաշվիչը փոխենք, որոշ ժամանակ անց առանց տեղյակ պահելու եկել հաշվիչը փոխել ու գնացել են, առանց ինչ-որ խնդրի մասին տեղեկացնելու: Բայց փաստորեն խնդիրը դեռ առջեւում էր, ամսվա սկզբին ջրի վարձավճարի հետ գալիս է մի կլորիկ գումար պարտք` հիսուն հազար: Զանգահարում եմ, թե սա ինչ գումար է պատասխանում են, թե Ձեր հաշվիչի պլոմբը վնասված էր, մենք տարել փոխել ենք, հիմա Դուք պարտք եք, պետք է վճարեք: Օրը ցերեկով մարդկանց թալանում են, ու սրա դեմն առնել չի լինում»,-վրդովված նշեց քաղաքացին: