ՇՏԱՊ. Մասսայական Viber հաշիվներ են գողացվում, գործում է սոցիալական ինժեներիա

Տեղեկատվական անվտանգության հայտնի փորձագետ, FRIEND ընկերության ղեկավար ԱՐՍԵՆ ԼԵՎՈՆՅԱՆԸ Iravunk.com-ի հետ զրույցում տեղեկացրեց հերթական համացանցային ծուղակի եւ դրանից ձերբազատվելու մասին.

- Վերջին շրջանում Viber հավելվածի օգտատերերը դարձել են խաբեության նոր ձևի թիրախ։ Խաբեբաները  շահարկում են օգտատերերի վստահությունը նրանցից խաբեությամբ վերցնելով SMS-ով ստացվող մուտքի 6-նիշանոց կոդը, և մուտք գործում նրանց հաշիվներ։ Այս գործընթացը կոչվում է սոցիալական ինժեներիա․ հանցագործը չի կոտրում համակարգը, այլ խաբում մարդուն՝ ինքնակամ տրամադրելու անձնական տվյալներ։

Խաբեբան կապ է հաստատում օգտատիրոջ  հետ, որ Viber-ի մուտքի կոդը պետք է՝ իբր ինչ-որ բան հաստատելու կամ գնում կատարելու համար։ Երբեմն նա նաև ուղարկում է կեղծ հղում, որը նման է պաշտոնական կայքի։ Օգտատերը կամ տալիս է կոդը, կամ սեղմում է հղմանը՝ ինքն իրեն էլ չնկատելով փոխանցելով տվյալները։ Արդյունքում խաբեբան մուտք է գործում նրա հաշիվ, իսկ իրական տերը դուրս է մղվում։

Պաշտպանվելու համար հարկավոր է երբեք չտրամադրել SMS-ով ստացած Viber կոդը, նույնիսկ ծանոթին, ինչպես նաև չսեղմել կասկածելի հղումի վրա, իսկ եթե արդեն գողացել են Ձեր հաշիվ հարկավոր է կապ հաստատել Viber-ի սպասարկման թիմի հետ։ Հղում՝ Օնություն

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝