Վարդան Ղուկասյանը կպատմի, թե ինչպես է զավթել Գյումրիի կենտրոնական այգին, ժամանակին «բարեկարգում» շղարշի ներքո

Ըստ օդում կախված լուրերի այս պահին Ռուսաստանի Դաշնությունից երեք ինքնաթիռներով Հայաստանի Հանրապետություն՝ մասնավորապես Գյումրի քաղաք են ժամանում ներդրողների հարյուրավոր խմբեր ինչպես և խոստացել էր քաղաքապետի թեկնածու Վարդան Ղուկասյանը։ Ներդրողները տեղում կգնահատեն Գյումրի քաղաքի ներդրումային միջավայրը, հնարավորությունները և ծավալները։

Նրանք կհանդիպեն ապագա քաղաքապետ Վարդան Ղուկասյանին, կշրջեն Գյումրի քաղաքում , և քաղաքապետը որպես հաջողված սեփական ներդրում ի ցույց կդնի Գյումրիի կենտրոնական այգին, կպատմի թե ինչպես է զավթել այգին ժամանակին «բարեկարգում» շղարշի ներքո՝ կրկին ըստ օդում կախված լուրերի, հետո ներդրողներին կուղեկցի իրեն պատկանող «ԱԼԵՔՍԱՆԴՐՈՊՈԼ» հյուրանոց , նորից ըստ օդում կախված լուրերի, որը տարածաշրջանում եզակի է իր ճարտարապետական լուծումներով՝ էքստերիերի և ինտերիերի գլուխգործոց

Ներդրողները կգիշերեն հարմարավետ հյուրանոցում և հաջորդ օրը նույն ինքնաթիռներով կվերադառնան այնտեղ որտեղից ՉԷԻՆ ԷԼ ԵԿԵԼ…..»։

ՀՀ ԱԺ «Քաղաքացիական պայմանագիր» խմբակցության պատգամավոր Ջուլիետա Ազարյան