Մաղթում եմ այնքան մեծանա, որ գիտակցի, թե ինչպես պետք է խոսել թեմի առաջնորդի հետ. Սրբազանի պատասխանը ՔՊ-ական պատգամավորուհուն

ՔՊ-ական պատգամավոր Էմմա Պալյանը անդրադառնալով Գյումրիում ընդդիմադիրների միավորմանը հերթական անգամ փորձել է իր մաղձը թափել Շիրակի թեմի առաջնորդի վրա, մասնավորապես գրելով.«Շիրակի թեմի առաջնորդի, նույն ինքը` հոգևորականի սքեմով քաղաքական գործչի սիրտը փառավորվել է Վարդան Ղուկասյան և Մարտուն Գրիգորյան զույգի միավորումից ու հիմա էլ Երևանում քաղաքական գործընթացներ է տենչում...Հետևությունները թողնում եմ ձեզ))) Հայ առաքելական եկեղեցով պահքի շրջան է չէ՞, չեմ սխալվում...»։

Վերը նշվածի վերաբերյալ փորձել ենք մեկնաբանություն ստանալ Շիրակի թեմի առաջնորդ արքեպիսկոպոս Միքայել Աջապահյանից, ով նկատեց.

- Երեխա աղջիկների ասածները չեմ մեկնաբանում, թող ինքը դեռ մեծանա, հասունանա, այդ ժամանակ գուցե ինչ-որ բան ասեմ, թե չէ հիմա երեխա աղջկան ինչ ասեմ։ 

Ցանկանում եմ իրեն երկար կյանք, որպեսզի մեծանա եւ վերջապես հասունանա։ Մաղթում եմ այնքան մեծանա, որ գիտակցի, թե ինչպես պետք է խոսել թեմի առաջնորդի հետ։

-Սրբազան, Ձեզ անվանում է «սքեմով քաղաքական գործիչ»։

-Ինչ անենք քաղաքական գործիչը ամո՞թ է, ես ոչ հոգեւորական լինելու, ոչ էլ քաղաքական գործիչ լինելուց ամաչելու պատճառ ունեմ։ Թող ամաչեն նրանք, որոնք քաղաքական գործչի դեր են ստանձնել, բայց քաղաքական գործիչ չեն ու չեն էլ կարող դառնալ երբեւէ, անգամ, եթե մեծանան։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝