Այսպիսով, այս ցուցանիշը տարեկան կտրվածքով կրճատվել է ավելի քան 1,7 անգամ։

Միաժամանակ ընթացիկ տարվա փետրվարին զուտ ներհոսքը կազմել է 68,8մլն դոլար՝ նախորդ տարվա փետրվարին գրանցված 121մլն դոլարի համեմատ։

ՀՀ բանկային համակարգի միջոցով ֆիզիկական անձանց անունով ստացված անդրսահմանային փոխանցումների ներհոսքն ընթացիկ տարվա առաջին երկու ամսում կազմել է 845,3մլն դոլար՝ նախորդ տարվա նույն ժամանակահատվածում գրանցված 771,2մլն դոլարի համեմատ։

Հայաստան կատարված փոխանցումների առաջատարների թվում են Ռուսաստանը ` 568,6մլն դոլարով և ԱՄՆ–ն՝ 92,4մլն դոլարով։ Միաժամանակ Ռուսաստանն ու ԱՄՆ–ն եղել են Հայաստան կատարված փոխանցումների առաջատարը նաև նախորդ տարվա հունվար–փետրվարին (համապատասխանաբար 513,5մլն դոլար և 101,1մլն դոլար)։

Միաժամանակ Հայաստանի բանկային համակարգի միջոցով ֆիզիկական անձանց կողմից արտերկիր կատարված փոխանցումների արտահոսքը 2025թ․–ի հունվար–փետրվարին կազմել է 757,8մլն դոլար՝ 2024թ․–ի հունվար–փետրվարին գրանցված 617,4մլն դոլարի համեմատ։

Հայաստանից արտերկիր կատարված փոխանցումներով առաջատարները Շվեյցարիան (167,2մլն դոլար) և ԱՄԷ–ն են (116,8մլն դոլար)։ 2024թ․–ի նույն ժամանակահատվածում առաջատարներն էին ԱՄԷ–ն (109,5մլն դոլար) և ԱՄՆ–ն (102,4մլն դոլար)։

Աղբյուրը՝ armbanks.am