Օսկանյանի կոմպլոմենտարիզմի ուրվականը «Հայաստան»-ում

Եվ այսպես, ՀՀ ԱԺ-ն, ավելի ճիշտ՝ ՔՊ-ն երկրորդ ընթերցմամբ ու ամբողջությամբ ընդունեց «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը: Թե ինչ խաղ է Նիկոլը սրանով փորձում առաջ տանել, այլ հարց է, հաշվի առնելով, որ այդ օրինագիծն իրականում որեւէ նման գործընթաց չի կարող առաջ բերել, ինչը հասկանում են բոլորը:

Սակայն այս պահին նաեւ հասկանալ է պետք, թե ինչ դիրքորոշում ցուցաբերեց խորհրդարանական ըևնդդիմությունը:

«Պատիվ ունեմ»-ի պարագայում պատկերը պարզ է՝ այս խմբակցությունը դեմ է եւ «դեմ» քվեարկեց:

«Հայաստան» խմբակցության պարագայում վիճակը մնաց անորոշ. այն ընդամենը չմասնակցեց քվեարկությանը։ Իհարկե, որոշ ելույթներում փորձելով ցւյց տալ, թե «դեմ» են: Սակայն ընդհանրական իմաստն ինչպես կար, այնպես էլ մնում է հարցական՝ Քոչարյանի թիմն իրականում արեւմտյա՞ն ուղղությունն է ուզում առաջ տանել, թե՝ ռուսական: Կամ այսպես. պետք եղավ, կասեն «դեմ» էին, կամ հակառակը:

Եվ սա այն ֆոնին, երբ, օրինակ Գյումրիի ընտրությունենրում, փորձում են առաջ տանել թեզը, թե՝ «Ե­դի­նա­յա Ռո­սիա­յի» պատ­գա­մա­վո­ր Օ­լեգ Մատ­վեե­ւն աջակցություն է հայտնել քո­չար­յա­նա­կան ուժի համարում ունեցող «Մայր Հա­յաս­տան» դա­շին­քին եւ դրա քա­ղա­քա­պե­տացու Կա­րեն Սի­մոն­յա­նին, փորձելով «տակից» առաջ տանել այն միտքը, թե դա ոչ ավել, ոչ պակաս, ռուսական իշխանությունների դիրքորոշումն է, որով աջակցություն են ցուցաբերում Քոչարյանին: Այսինքն, այն մտքին են, որ եթե հասարակությունը Կարենին ընկալի, որպես ՌԴ-ի կողմից աջակցություն ունեցող, դա կարող է էապես մեծացնել նրա կշիռը: Ու մյուս կողմից, մեղմ ասած, նման հեղեղուկ վերաբերմունք են ի հայտ բերում, երբ խորհրդարանում է քննարկվում դեպի արեւմուտք կան Ռուսաստան թեմայով կոնկրետ օրենսդրական փաստաթուղթ:

Ավելի շատ սկսում է նմանվել սովորական ավանտյուրայի. կոնկրետ պահին համրար համարեցին, ռուսակենտ կխաղան, այլ պահի՝ արեւմտամետ: Կամ էլ, սա կարելի է համարել «երկու աթոռի վրա նստելու» նիկոլական պրակտիկայի պես մի բան: Չնայած, եթե մի փոքր հետ գնանք, կհիշենք, որ այդ պրակտիկան ժամանակին մեյդան բերեց Քոչարյանի երկարամյա, «ամերիգայեն ներմուծված» ԱԳ նախարար Օսկանյանը:

Իհարկե, ըստ մեր աղբյուրների, «Ե­դի­նա­յա Ռո­սիա»-ում Մոսկ­վա­յում հու­մո­րով են վե­րա­բեր­վում մտքին թե ի դեմս Օ­լեգ Մատ­վեե­ւի, ողջ Ռուսաստանն է աջակցում Քոչարյանի Կարենին: Բայց դա խնդրի մի կողմն է: Իսկ ամենառեալ պատկերն այն է, որ «Հայաստան» խմբակցությունն իրեն դրսեւորում է, որպես օսկանյանական գաղափարների իրական ժառանգորդ՝ «կոմպլոմենտար», բայց դե լավ կլինի, որ տանեցիներին ԱՄՆ քաղաքացի սարքեն: