Թուրքերն ուզում են պանթուրքիզմի միջանցք ստեղծել. նրանք Հայաստանի ու Իրանի տարածքն են ուզում. Մաջիդ Քարիմին

Իրանի «կարմիր գծերը» մինչ այս պահը չեն փոխվել և Իրանը հայտարարել է, որ ինքը չի կարող թույլ տալ Իրանի եւ Հայաստանի միջեւ միջպետական սահմանի փակումը: Այս մասին Alpha News-ին տված հարցազրույցում նշել է իրանցի պատմաբան Մաջիդ Քարիմին:

«Իմ տեղեկություններով մենք հաստատակամ ենք պահպանել այս սահմանը Հայաստանի և Իրանի միջեւ: Սա պատմական սահման է եւ մենք ուզում ենք, որ այն շարունակի գոյություն ունենալ: Մենք հաստատակամ ենք պաշտպանել մեր ընդհանուր շահերը: Ես ուզում եմ բացատրել, թե ինչու է սա կարեւոր մեզ համար եւ ինչու ենք մենք դեմ միջանցքին, այդ հողը քայլ առ քայլ տալուն: Առաջին հերթին մենք պետք է ուշադրություն դարձնենք 300  տարի առաջ այս տարածաշրջանում օսմանցիների վարած ռազմավարությանը: Երբ նայում ենք պատմությանը, տեսնում ենք, որ օսմանցիները ուզում էին Կենտրոնական Անատոլիայից սկսած քայլ առ քայլ վերցնել հողերը, որոնք ընկած էին դեպի Կասպից ծով ճանապարհին, ապա նաեւ Կենտրոնական Ասիայի այն վայրերին, որտեղից նրանք եկել են մեր տարածաշրջան  հազար տարի առաջ»,-ասաց նա:

Քարիմիի խոսքով, այն տարածքները, որտեղ հիմա թուրքերն են ապրում, պատմականորեն իրենցը չեն. «Հայերը 300 տարի առաջ պատ էին օսմանիզմի դեմ դեպի Կասպից ծով ընդլայնվելու դոկտրինի առաջ: Մյուս խոչընդոտը  Իրանն էր եւ Իրանն է: Ահա, թե ինչու են օսմանցիները հարձակվել հայկական հողերի, ինչու են իրագործել ցեղասպանությունը՝ Կասպից ծովին հասնելու համար՝ երբեմն Գյումրիի կողմից, երբեմն Սյունիքի: Սա է իրենց պլանը, ուզում են ստեղծել պանթուրքիզմի միջանցք, գոտի:

Նրանք Հայաստանի ու Իրանի տարածքն են ուզում, նրանք սկսեցին իրենց ծրագիրը՝ օկուպացնելով հայկական հայկական ու իրանական հողերը՝ Սեֆեյանների շրջնում, եւ հիմա հասել են Զանգեզուրի միջանցքին»,-ասաց նա:

Առավել մանրամասն՝ տեսանյութում: