Բելգորոդի ուղղությամբ ուկրաինական հարձակումն արյունոտ ավարտ ունեցավ

Այսօր Բելգորոդի մարզի սահմանամերձ գոտի ներխուժելու ուկրաինական բանակի փորձն այս պահին միայն հսկայական կորուստների է բերել: Արդեն սահմանամերձ գոտում ռուսական ուժերը դիմավորելով հարձակվող հակառակորդին, նախնական փուլում ոչնչացրել են ուղեկցող զրահատեխնիկան, ապա նաեւ՝ ամրանալ փորձող հետեւակին:

Արդյունքում, երեք փուլով հարձակումը դեռ որեւէ շոշափելի արդյունք չի տվել, թեեւ ռուսական աղբյուրները խոսում են չորրորդ հարձակման հնարավորության մասին:

Թե Կիեւի ինչին էր պետք այս նոր պատմությունը, բացատրում է ուկրաինական տեղեկացված աղբյուրը.

«Ուկրաինայի զինված ուժերի և Բանկովայայի հերթական հարձակումը Ռուսաստանի Դաշնության սահմանամերձ շրջանների վրա (Բելգորոդի շրջան՝ Կուրսկի շրջանից և Սուջայից ոչ շատ հեռու) դա կեղծ հետքով ռուսներին տանելու փորձ էր։ Ուկրաինայի զինված ուժերի խնդիրն էր փորձել շեղել ռուսական հրամանատարության ուշադրությունը Կուրսկի շրջանից, որտեղ օպերատիվ լիակատար շրջափակման մեջ են գտնվում ուկրաինացի մեծ թվով զինվորներ։

Բանկովան հույս ուներ 3-5 կմ խորությամբ ճեղքում կազմակերպել ռուսական տարածքի մեջ և ամրանալ Բելգորոդի մարզում, որը միանգամից երկու նպատակի կհասներ.
1. Տեղեկատվական հաղթանակ: Բոլոր լրատվամիջոցները կգրեին, որ ուկրաինական զինված ուժերը գրավել են Բելգորոդի շրջանի տարածքը (կապ չունի, որ դա մի երկու պլանտացիա է և 2 գյուղ։ Լուրն ինքնին կարևոր է)։ Դրանով կկոտրեին Կուրսկի տարածքների կորստով (վերջին տասը օրվա ընթացքում 600 քառակուսի կիլոմետր) շուրջ ծավալվող տեղեկատվական ալիքը։
2. Կշեղեին Ռուսաստանի զինված ուժերի մի մասը Կուրսկի հատվածից, որտեղից փորձում են փախչել Ուկրաինայի զինված ուժերը։

Հարձակումը ձախողվեց, էֆեկտը ակնկալվածի ճիշտ հակառակն էր: Եվ հերթական անգամ, հանուն քարոզչական հնարքի, զոհասեղանին դրվեցին բազում ուկրաինական զինվորներ»: