Զելենսկին ավելի լուրջ ներողություն է պատրաստվում խնդրել. Հրանտ Միքայելյան

Ի՞նչ է սպասվում Ուկրաինայում, եւ ո՞ւմ հովանու ներքո կմնա նախագահ Վլադիմիր Զելենսկին, «Իրավունք»-ի հետ զրույցում «Կովկաս» ինստիտուտի գիտաշխատող, քաղաքագետ ՀՐԱՆՏ ՄԻՔԱՅԵԼՅԱՆՆ առաջ քաշեց մի քանի վարկած:

— Այս հարցն իսկապես շատ հետաքրքիր է, եւ իմ կարծիքով, այն դեռ չունի հստակ պատասխան։ Բայց ես կուզենայի ներկայացնել մի քանի վարկած, որոնք, իհարկե, կարող են մնալ բանավեճի ենթակա։ Միաժամանակ, կան տարբերակներ, որոնք հատկապես կենտրոնանում են Բրիտանիայի եւ Ֆրանսիայի վրա, ինչը կարող է լինել հավանական տարբերակ։ Այնպես որ, այս ընտրանքը սկսեց քննարկվել Ուկրաինայում, բայց կա մի կարեւոր խնդրահարույց կողմ, որ ներկայումս պարզ է դառնում բոլորի համար՝ թե՛ այս երկու երկրները, թե՛ ընդհանրապես Եվրոպական միությունը եւ Մեծ Բրիտանիան՝ առանց Ուկրաինայի չեն կարող կայուն գործել։ Դիտարկելով այս հարցը՝ կարծում եմ, որ այս տարբերակը երկարաժամկետ հաջողություն չի ունենա։ 
Ինչ վերաբերում է ԱՄՆ-ի վերահսկողությանը, ապա մենք տեսնում ենք, որ Միացյալ Նահանգների կողմից լուրջ ճնշումներ են եղել Զելենսկու վրա, եւ նա սկսեց արագորեն նահանջել։ Եթե մենք վերլուծենք այս հակամարտությունը, ապա կարելի է ասել, որ առաջին օրը նա հրապարակային հայտարարեց իր դիրքորոշումը, բայց հետո սկսեց մեղմացնել այն։ Այժմ, այն աստիճանով, որը պահանջվում էր: Զելենսկին արդեն մեծ փոփոխություններ է կատարել իր մոտեցման մեջ՝ ներողություն խնդրելով, բայց, հավանաբար, ոչ այն չափով, որն անհրաժեշտ էր։ Ներկայում նա ավելի լուրջ ներողություն է պատրաստվում խնդրել, որովհետեւ ուզում է բանակցել որպես մի կողմ, որը, ըստ էության, դիվանագիտական առումով մի քիչ թուլացած է եւ պատրաստ է ճանաչել իր պարտությունները։
Այսպիսով, այս զարգացումները ենթադրում են, որ առաջիկայում հնարավոր է տուժած կողմերի համար պատիժների եւ պայմանների փոփոխություններ լինեն, որոնք կարող են ազդել ընթացիկ դիվանագիտական գործընթացի վրա։

ԴԻԱՆԱ ՄԱՆՈՒԿՅԱՆ 

Հ.Գ.- Հարցազրույցի շարունակությունը կարդացե՛ք թերթի առաջիկա համարներից մեկում:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝