Հայաստանում կանցկացվի «Մանուշյանական շաբաթ»

2025 թվականի մարտի 14-18-ը Հայաստանում կանցկացվի «Մանուշյանական շաբաթ», որը նվիրված է Միսաք Մանուշյանին և ֆրանսիական դիմադրության շարժման նրա զինակիցներին և նպատակ ունի վերաիմաստավորել Մանուշյանի ժառանգությունը, ընդգծել նրա դերը համաշխարհային դիմադրության շարժման մեջ և խթանել ֆրանսիական և հայկական պատմամշակութային երկխոսությունը։

 

Միջոցառումների շարքը, որն ընդգրկում է թատերական ներկայացումներ, գիտաժողովներ, ցուցահանդեսներ, վավերագրական ֆիլմերի ցուցադրություններ և քննարկումներ, կկազմակերպվի Երևանում և Արտաշատում։ Նախագիծն իրականացվում է «ՍԱԹԷ – ԱԹՂԸ» թատերական միության և «ԱՐՏ – ԻՄԱԺ» մշակութային կազմակերպության կողմից Հայաստանի Հանրապետության կրթության, գիտության, մշակույթի և սպորտի նախարարության, Երևանի քաղաքապետարանի, Հայաստանում Եվրոպական Միության ներկայացուցչության, ֆրանսիական Օվերն Ռոն Ալպեր տարածաշրջանի և Լիոնի քաղաքապետարանի աջակցությամբ և հովանու ներքո։

 

Նախագծի գործընկերներն են՝ Ե. Չարենցի անվան գրականության և արվեստի պետական թանգարանը, Հայոց ցեղասպանության թանգարան - ինստիտուտը, «Մատենադարան» Մ. Մաշտոցի անվան հին ձեռագրերի գիտահետազոտական ինստիտուտ» հիմնադրամը, Հայաստանի կինոգործիչների միությունը, Արտաշատի Ամո Խարազյանի անվան պետական դրամատիկական թատրոնը, Ֆրանսիայի Պանթեոնը, «Ռոժէ Վիոլե» պատկերասրահը, Հայաստանում ֆրանսիական համալսարանը, «Ալեֆ» հրատարակչատունը։

 

 

14:00 - Մանուշյանին նվիրված գրքերի շնորհանդես Գրականության և արվեստի թանգարան

 

16:30 – Ցուցահանդեսի բացում Գրականության և արվեստի թանգարան

 

19:00 – Շոշանա Բուխոբզայի «Մանուշյան» ներկայացման առաջնախաղ Արտաշատի Ամո Խարազյանի անվան պետական դրամատիկական թատրոն

 

 

10:00-17:00 – Գիտաժողով Հայոց ցեղասպանության թանգարան-ինստիտուտ

 

19:00 – Հյուգ Նանսի և Դենի Պեշանսկի «Մանուշյանը և Կարմիր աֆիշի հերոսները» վավերագրական ֆիլմի ցուցադրություն Կինոյի տուն

 

 

10:00-13:00 – Գիտաժողով Հայոց ցեղասպանության թանգարան-ինստիտուտ

 

 

14:00-17:00 – Գիտաժողով Երևանի պետական համալսարան

 

14:00-16:00 – Կատյա Գիրագոսյանի «Միսաք և Մելինե» վավերագրական ֆիլմի ցուցադրություն Հայաստանում ֆրանսիական համալսարան

 

19:00 – Էլիզաբեթ վան Զեյլ Լանգհաութի «Կարմիր աֆիշի պարտիզանները» վավերագրական ֆիլմի ցուցադրություն Կինոյի տուն

 

 

Փակման արարողություն

 

10։00-12։00 – Պաշտոնական ելույթներ

 

13։00-15։00 – Գիտական ելույթներ

 

15։30-17։00 – Կատիա Գիրագոսյանի «Միսաք և Մելինե» վավերագրական ֆիլմի ցուցադրություն

 

Բոլոր ֆիլմերը կցուցադրվեն հայերեն ենթագրերով։ Ֆրանսիացի բանախոսների ելույթները կունենան համաժամանակյա թարգմանություն։