Հյութ, որը պաշտպանում է սրտի հիվանդություններից

Վարակների ու մրսածության սեզոնին կարևոր է սննդակարգ ներառել տոմատի հյութ: Այս հյութը մեծ քանակով A, C վիտամիններ է պարունակում և  օգնում է ամրացնել իմունային համակարգը:

 

Med2.ru-ի հաղորդմամբ՝ տոմատի հյութը մանրաթելեր և նյութեր է պարունակում, որոնք օգնում են նվազեցնել արյան մեջ խոլեստերինի մակարդակը, խոչընդոտել աթերոսկլերոզի զարգացմանը:

 

Բացի այդ՝ տոմատի հյութը B6 վիտամին է պարունակում, ինչն օգնում է պայքարել նյութերի դեմ, որոնք կարող են վնասել անոթները: Լոլիկը հարուստ է նաև կալիումով: Տոմատի հյութը կարող է օգնել նաև իջեցնել զարկերակային ճնշումը, այն խորհուրդ է տրվում հիպերտոնիայի և գլաուկոմայի դեպքում:

 

Բջջանյութն ու օրգանական թթուները խթանում են ստամոքսի աշխատանքը, ակտիվացնում նյութափոխանակությունը, կարգավորում աղիների միկրոֆլորան: Լոլիկը նաև ծծումբ է պարունակում, որը լավացնում է լյարդի ու երիկամների աշխատանքը: Այն կօգնի մաքրել օրգանիզմը։

 

Վիտամին C-ն նպաստում է իմունային համակարգի ամրացմանը, կանխարգելում վարակիչ հիվանդությունների զարգացումը: Քանի որ տոմատի հյութը հակաօքսիդանտ ազդեցություն ունի, պայքարում է ազատ ռադիկալների դեմ, որոնք վնասում են բջիջները:

 

Միայն թե հաշվի առեք, որ տոմատի հյութը խորհուրդ չի տրվում օգտագործել պանկրեատիտի, ստամոքսի, աղիների հիվանդությունների սուր ընթացքի, լեղապարկում քարերի առկայության դեպքում:

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝