ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2» Իրանը, տեւական դադարից հետո, հարձակվել է Բահրեյնի ԱՄՆ ռազմական բազաների վրա Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու

Բաքուն Կովկասում մեր կարևոր դաշնակիցն է. ԱՄՆ-ի հետ քննարկում ենք Իսրայել-Ադրբեջան-ԱՄՆ եռակողմ համագործակցության ամուր հիմքերի ստեղծումը. Իսրայելի վարչապետի գրասենյակ

Արխիվ 12-16

Իսրայելը ներգրավված է ԱՄՆ-ի հետ շարունակական քննարկումների մեջ՝ Իսրայելի, Ադրբեջանի և ԱՄՆ-ի միջև եռակողմ համագործակցության ամուր հիմքեր ստեղծելու համար, ասվում է Իսրայելի վարչապետի գրասենյակի հաղորդագրության մեջ: Այս մասին գրում է The Jerusalem Post-ը:

Հայտարարությունը հնչել է ի պատասխան երեկ Կնեսետի լիագումար նիստում «Շաս» կուսակցության պատգամավոր Շիմոն Մոշիաշվիլիի կողմից ներկայացված միջնորդությանը:

«Իսրայելի և Ադրբեջանի միջև ռազմավարական դաշինքի արդիականացում» թեմայով քննարկման ժամանակ Իսրայելի վարչապետի գրասենյակն ընդգծել է, որ «Ադրբեջանը Իսրայելի կարևոր ռազմավարական դաշնակիցն է կովկասյան տարածաշրջանում՝ հարաբերություններով, որոնք ներառում են համագործակցություն անվտանգության, առևտրի, տեխնոլոգիաների և էներգետիկայի ոլորտներում»։

Կառավարության անունից ելույթ ունենալով՝ Ազգային առաքելությունների նախարար Օրիտ Շթրոքը պարզաբանել է, որ «Իսրայելի և Ադրբեջանի հարաբերությունները կառուցված են յուրահատուկ գործընկերության վրա՝ հիմնված փոխադարձ շահերի և երկարամյա բարեկամության վրա»։

Ըստ Շթրոքի՝ «Իսրայելը կշարունակի ամրապնդել համագործակցությունը Ադրբեջանի և ԱՄՆ-ի հետ և վճռականորեն կդիմագրավի այն խաթարելու ցանկացած փորձի»:

Մոշիաշվիլին, որը նախաձեռնել է քննարկումը, բարձրացրել է Ադրբեջանի հետ ռազմավարական դաշինքի արդիականացման և այդ երկիրն Աբրահամյան համաձայնագրերի շրջանակում ընդգրկելու հնարավորությունն ուսումնասիրելու անհրաժեշտությունը։ Նա նշել է, որ «անհեթեթ իրավիճակ» է ստեղծվել, որտեղ «այն երկրները, որոնք պատերազմում էին Իսրայելի հետ մինչև Աբրահամյան համաձայնագրերի ստորագրումը, ստորագրելուց անմիջապես հետո ստանում են տարբեր տնտեսական և անվտանգության խթաններ»: Մինչդեռ Ադրբեջանը, որը երկար ժամանակ եղել է Իսրայելի տարածաշրջանային անվտանգության ճարտարապետության կարևոր բաղադրիչ, տուժում է ամերիկյան պատժամիջոցներից։

Հավանեցի՞ր հոդվածը, կիսվիր ընկերներիդ հետ