Ucom-ը գարնանային տոների կապակցությամբ հանդես է գալիս նոր գրավիչ առաջարկով

Գարնան մոտենալով շատերը սկսում են մտածել սիրելի կանանց տոների կապակցությամբ նվերներ ընտրելու մասին, և Ucom-ն ավանդաբար հասնում է օգնության իր հերթական գարնանային առաջարկով։

Այս անգամ ընտրվել է HONOR 200 Lite 5G-ն։ Այս նոր սերնդի սմարթֆոնի էլեգանտ դիզայնը համատեղվում է նորարարական տեխնոլոգիաների և շատ գրավիչ գնի հետ։

Սմարթֆոնն ունի 108 ՄՊ հիմնական տեսախցիկ, 8 ԳԲ օպերատիվ հիշողություն, 4500 մԱժ մարտկոց, 256ԳԲ հիշողություն, 6,7 դյույմ AMOLED էկրան և 5G ցանցին միանալու հնարավորություն, որը Ucom-ի բաժանորդներն արդեն կարող են վայելել մարզային 28 քաղաքներում։

HONOR 200 Lite 5G սմարթֆոնը ակցիայի շրջանակում փետրվարի 26-ից մինչև ապրիլի 20-ը գնելու դեպքում տրամադրվելու է նաև HONOR բրենդային անլար ականջակալ կամ Canyon բարձրախոս։

«Միշտ դժվար է ձեր սիրելիների համար գտնել գեղեցիկ, չափազանց օգտակար ու խելամիտ գնով նվեր։ Այս հանգամանքը մտքում ունենալով՝ մենք ամեն տարի հանդես ենք գալիս մի նոր, հետաքրքիր առաջարկով, ու այս տարին էլ բացառություն չէ։ HONOR հեռախոսները հայտնի են որպես վստահելի ու մատչելի տարբերակ շուկայում, իսկ մեր առաջարկած մոդելն ընտրվել է հատուկ այնպես, որ դուք կարողանաք ձեր սիրելիներին մատուցել ամենալավ նվերը», - նշել է Ucom-ի գլխավոր տնօրեն Ռալֆ Յիրիկյանը։

Նշենք, որ ակցիայի ընթացքում հեռախոսի հետ տրամադրվելու է գեղեցիկ հեռախոսահամար՝ առաջին ամիսն անվճար Level Up 3000 սակագնային պլանով և 100GB ինտերնետ 6 ամիս ժամկետով։