Քաղաքապետարանի տված շինթույլտվության մեջ չկա՞ կոռուպցիոն ռիսկ պարունակող տար․Հակակոռուպցիոնը կուսումնասիրի

Դեռեւս նախորդ տարի օգոստոսին «Իրավունք» թերթի խմբագրություն էին դիմել Երեւանի Ջեյմս Բրայսի Այգեծոր փողոցի բնակիչները,  ահազանգելով, որ տվյալ փողոցը անաանցանելի , իսկ ավելի ստույգ` երթեկելի գոտին վեր է ածվել շինհրապարակի։ Բայց զավեշտն այն է, որ այդ, ըստ էության, ապօրինությունը փաստորեն իրականացվում իբր է լրիվ օրինական փաստաթղթերով։ 
Ահազանգից անմիջապես հետո թերթը պաշտոնապես դիմել էր Երեւանի քաղաքապետարան, հետաքրքրվելու համար, թե ինչպե՞ս է ստացվել, որ քաղաքապետարանը շինթույլտվություն է տվել մի շինարարի, որը դուրս է եկել երթեւեկելի գոտի իր շինարարությունով։ 
Քաղաքապետարանը գրավոր պատասխանել էր, որ որեւէ խախտում չկա վերը նշվածի մեջ, ավելին, որ շինթույլտվությունը տրվել է օրենքով սահմանված նորմերին համապատասխան:  Արդյունքում շինարարությունը ավարտվելուց հետո տվյալ շինությունը մոտ երեք մետր մխրճվել է երթեւեկելի գոտի , խոչընդոտելով փողոցի երթեւեկությունը, ստեղծելով վթարային իրավիճակներ, վտանգելով մարդկանց կյանքն ու առողջությունը։ 
Հակակոռուպցիոն կոմիտեին խնդրել էինք ուսումնասիրել վերը նշված ահազանգը եւ պատասխանել, արդյո՞ք քաղաքապետարանի տված շինթույլտվության մեջ չկա՞ կոռուպցիոն ռիսկ պարունակող տար: Եվ արդյոք օրինական են տրված շինթույլտվությունը եւ դրա հիման վրա կատարված շինարարությունը։ Երեսուն օր ուսումնասիրելուց հետո կոմիտեից տեղեկացրել են , որ լրացուցիչ ուսումնասիրության կարիք կա եւ, որ ուսումնասիրելուց հետո կպատասխանեն մեր հարցին։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝