Հայաստանը պատրաստվում է «Եվրատեսիլ»-ին. հայտնի են երգերն ու կատարողները, որոնց մեջ պետք է կատարվի ընտրություն

Մշակութային 9 Փետրվար, 2025 21:11

Ինչպես ամեն տարի, այնպես էլ այս տարի Հայաստանը պատրաստվում է մայիսին կայանալիք «Եվրատեսիլ» երգի ամենամյա մրցույթին: Արդեն իսկ Հանրային հեռուստաընկերությունը ներկայացրել է մասնակիցներին եւ նրանց երգերը, որոնց միջեւ պետք է լինի ընտրություն եւ որոշվի, թե ում է բախտ վիճակվելու այս տարի հայտնվել եվրատեսիլյան բեմում:

Այսպիսով՝ «Դեպի Եվրատեսիլ» նախագծի մասնակիցների կատարումներն արդեն հասանելի են: Երգի եւ կատարողի ընտրությունը կկայանա փետրվարի 16-ին՝ ժամը՝ 19։00-ին, Կարեն Դեմիրճյանի անվան մարզահամերգային համալիրում: Նախագծում ելույթ կունենան հետևյալ 12 մասնակիցները՝

_{1. Աթենա Մանուկյան. DaQueenatio}
_{2. Անահիտ Ադամյան. Tiny Little Boo}
_{3. Անահիտ և Գասոյա. Wild}
_{4. Արսեն Գրիգորյան և Կամիլ. Will You Marry Me?}
_{5. Գևորգ Հարությունյան. Hey Man}
_{6. Մելս Դանիելյան. Losing}
_{7. Միլենա Միրիջանյան. Romantic Net}
_{8. Պարգ. Survivor}
_{9. Սիմոն. AY PAPAREY BYE}
_{10. Սևագիր. Falling}
_{11. Ֆլորա Բիչախչյան. Prayer}
_{12. ALTSIGHT. Dare to Dream}

Հիշեցնենք, որ 69-րդ «Եվրատեսիլ»-ը կանցկացվի Շվեյցարիայի Բազել քաղաքում։ Շվեյցարիան հաղթել է մրցույթում այն բանից հետո, երբ շվեյցարացի Նեմոն հաղթել է 2024 թվականի մրցույթում՝ The Code երգով։ Նա հավաքել է 591 միավոր։ «Եվրատեսիլ» 2025-ը կանցկացվի մայիսի 13-ին, 15-ին և 17-ին։ Կարգախոսն է՝ United By Music «Միավորված երաժշտությամբ»: Այս պահին 24 երկիր հաստատել է իրենց մասնակցությունը «Եվրատեսիլ» 2025-ին։ Այս տարի Չեռնոգորիան կվերադառնա մրցավայր:

ՆԱՆԱ ՍԱՐԳՍՅԱՆ