ԲԱՑԱՌԻԿ ՑՈՒՑԱԴՐՈՒԹՅՈՒՆ ՆՎԻՐՎԱԾ ԱՆՎԱՆԻ ԿՈՄՊՈԶԻՏՈՐ ԱՐՄԵՆ ՏԻԳՐԱՆՅԱՆԻ ԾՆՆԴՅԱՆ 145-ԱՄՅԱԿԻՆ

Iravunk. com -ի Շիրակի մարզի թղթակիցը Գյումրիում էր։ «Կումայրի պատմամշակութային արգելոց ֊թանգարանում կայացավ հայկական ազգային օպերայի նշանավոր կոմպոզիտոր և խմբավար ԱՐՄԵՆ ՏԻԳՐԱՆՅԱՆԻ ծննդյան հոբելյանական 145֊ամյակին նվիրված նոր, բացառիկ ցուցադրության բացումը։ Առաջին անգամ ցուցադրվեցին Տիգրանյանի ուշ, խորհրդային ժամանակների 50֊ից ավելի ցուցանմուշներ, որոնք երբևէ չեն ներկայացվել թանգարանի հիմնական ցուցադրությանը։ Այստեղ ներկայացված նմուշները Տիգրանյանի անձնական իրերն են, պաստառներ, նոտագրումներ, կենցաղային իրեր, ժամանցի իրեր, պիջակն ու գորգը։ Գյումրի համայնքի մշակույթի և երիտասարդության հարցերի բաժնի պետ Լիլիթ Թովմասյանը նշեց. - «Անկեղծ ասած, այս ցուցադրությունը պլանավորել էինք իրականացնել դեռ անցած տարի, Տիգրանյանի ծննդյան հոբելյանական 145֊ամյակի առթիվ, սակայն եղան որոշ տեխնիկական խնդիրներ, որոնց պատճառով այն մի փոքր հետաձգվեց ու այս տարի իրականություն դարձրինք այս նախագիծը, քանի որ այն շատ կարևոր է մի քանի տեսակետից, ցուցադրվում է Տիգրանյանի անձնական արխիվից իրեր, նյութեր, որոնք երբևէ չեն ցուցադրվել ու երկրորդ բացահայտում «Կումայրի արգելոցի» անսպառ հնարավորությունները, ֆոնդային իմաստով, որոնք պահվում են արխիվներում, տարածքի բացակայության պատճառով։ Շատ կարևոր է այն հանգամանքը, որ արգելոց ֊թանգարանում բացի առօրյա գործունեությունից իրականացվել են մեծամասշտաբ գիտական ու ռեստավրացիոն աշխատանքներ, որոնց շնորհիվ կարողանում ենք ցուցադրական տեսքի բերել այնպիսի ցուցանմուշներ, որոնք երբևէ չեն էլ հասել ցուցադրական տեսքով» ։ Իսկ Կումայրի արգելոց ֊թանգարանի տնօրեն Ինգա Ավագյանը նշեց, որ ցուցանմուշների մեծ մասը վերականգնվել է վերջին 5 տարում ու ոչ մի տեղ չի ցուցադրվել։ Բացառիկ է ցուցադրությունը և ցուցադրվող նյութերի ու թանգարանի անսպառ հնարավորությունների բացահայտման։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝