ՊՈՒՏԻՆ-ԹՐԱՄՓ ՊԱՅՄԱՆԱՎՈՐՎԱԾՈՒԹՅՈՒՆՆԵՐԸ ՈՐՔԱՆՈ՞Վ ՄԵԶ ԿՎԵՐԱԲԵՐԵՆ

Ու մինչ Նի­կոլ Փա­շին­յա­նը հեր­թա­կան «տա­րօ­րի­նակ ճա­ռերն» է հնչեց­նում ԱՄՆ-ում (Տե´ս նաեւ https://iravunk.com/?p=304682&l=am), Թ­րամ­փը հայ­տա­րա­րեց, որ՝ «Մեծ ա­ռա­ջըն­թաց ենք գրան­ցել Ռու­սաս­տա­նի եւ Ուկ­րաի­նա­յի հար­ցում»:

Ա­վե­լին, նորից ակ­տիվ խո­սակ­ցութ­յուն­ներ կան, որ նա­խա­պատ­րաստ­վում է Պու­տի­նի եւ Թ­րամ­փի գա­գա­թա­ժո­ղո­վը, ընդ ո­րում, Reuters-ի տե­ղե­կաց­մամբ, բա­նը հա­սել է հան­դիպ­ման վայ­րի մա­սին քննար­կում­նե­րին՝ Սաուդ­յան Ա­րա­բիա­յում կամ Ա­րա­բա­կան Միաց­յալ Է­մի­րութ­յուն­նե­րում: Ա­վե­լի վաղ կար նաեւ Թուր­քիա­յի տար­բե­րա­կը, բայց ա­մեն ինչ խո­սում է այն մա­սին, որ դա մերժ­ված է. թեեւ Էր­դո­ղանն այս ուղ­ղութ­յամբ հա­մառ ջան­քեր էր գոր­ծադ­րում:

Ա­մեն դեպ­քում, ե­թե ի­րոք ՌԴ-ի եւ ԱՄՆ-ի ղե­կա­վար­նե­րի գա­գա­թա­ժո­ղո­վի հիմ­նա­կան վայր է դի­տարկ­վում Մեր­ձա­վոր Ա­րե­ւել­քը, ա­պա դա եւս շատ բա­նի մա­սին է ակ­նար­կում: Եվ ա­ռա­ջին հեր­թին, որ քիչ հա­վա­նա­կան է, որ հան­դի­պեն Մեր­ձա­վոր Ա­րե­ւել­քում, եւ այդ ակ­տիվ տա­րա­ծաշր­ջա­նի թե­ման չլի­նի օ­րա­կար­գում: Այ­սինքն, որ ի­րա­կա­նում Պու­տի­նի եւ Թ­րամ­փի հան­դիպ­ման թե­մա­տի­կան շատ ա­վե­լի ընդ­լայ­ն է, քան միայն ուկ­րաի­նա­կան պա­տե­րազմն է, ասենք, Յալթայի կոնֆերանսի տարբերակով, որի 80-ամյակը, ի դեպ, երեկ էր: Ա­վե­լին, մի շարք աղբ­յուր­ներ ար­դեն պնդում են, որ Ուկ­րաի­նա­յի հար­ցով, ըստ էութ­յան, ար­դեն պայ­մա­նա­վոր­վել­ու բան էլ չկա. հիմ­նա­կան թե­զե­րի շուրջ ան­գամ այս նախ­նա­կան փու­լում են ո­րո­շա­կիո­րեն լե­զու գտել, եւ հի­մա մնում են վերջ­նա­կան հստա­կե­ցում­նե­րը: Եվ այն, որ Թ­րամփն ար­դեն իսկ սկսել է Ուկ­րաի­նա­յին կոնկ­րետ պա­հանջ­ներ ներ­կա­յաց­նել, այդ թվում՝ հազ­վագ­յուտ մե­տաղ­նե­րի հետ կապ­ված: Ան­կախ նրա­նից, թե Թ­րամ­փի նման հայ­տա­րա­րութ­յու­նը Ուկ­րաի­նան կի­սե­լու մա­սին ակ­նարկ էր, (հաշ­վի առ­նե­լով, որ եր­բեմ­նի ուկ­րաի­նա­կան ռե­սուրս­նե­րի մոտ կեսն ար­դեն ռուս­նե­րի վե­րահս­կո­ղութ­յան տակ է), թե այլ բան, դա ար­դեն սկսել է աշ­խա­տել` որ­պես պա­տե­րազ­մը կանգ­նեց­նե­լու հար­ցում Զե­լենս­կու վրա ա­ճող նե­րուկ­րաի­նա­կան ճնշման գոր­ծիք: Հան­րա­յին բող­ո­քը մո­տա­վո­րա­պես սա է՝ «Ի­րա­կա­նում Թ­րամ­փի կոր­պո­րա­ցիա­նե­րը պար­զա­պես ցան­կա­նում են ակ­տիվ­ներ ստա­նալ մնա­ցած Ուկ­րաի­նա­յից, ո­րոնք են. բո­լոր թան­կար­ժեք ռե­սուրս­նե­րը, ա­տո­մա­կա­յան­նե­րը, գա­զա­փո­խադր­ման հա­մա­կար­գը եւ այդ­պես շա­րու­նակ: Ու­րեմն, սրա հա­մա՞ր էին ուկ­րաի­նա­ցի­նե­րը կռվում եւ մեռ­նում: Ու սա՞ է ԱՄՆ-ի խոս­տա­ցած դե­մոկ­րա­տիան»: Ու սրան էլ գու­մար­վեց Պո­րո­շեն­կո­յի հար­բած ե­լույ­թը, թե՝ ինչ ընտ­րութ­յուն այս պա­հին, ե­թե ընտ­րութ­յուն լի­նի, կհաղ­թի Պու­տի­նը, չլի­նի էլ, է­լի կհաղ­թի Պու­տի­նը:

­Վեր­ջա­պես, նաեւ Զե­լենս­կու թի­մում է իս­կա­կան խու­ճապ սկսվել, թե՝ Պու­տի­նը եւ Թ­րամ­փը պայ­մա­նա­վոր­վել են` հե­ռաց­նել Զե­լենս­կուն: Այս մա­սին հայտ­նում է Politico-ն, նաեւ, որ «Ուկ­րաի­նա­ցի պաշ­տոն­յա­նե­րը մտա­վա­խութ­յուն ու­նեն, որ Վա­շինգ­տո­նի եւ Մոսկ­վա­յի մեր­ձե­ցու­մը կա­րող է ի­րենց հե­ռաց­նել սե­փա­կան երկ­րի ա­պա­գա­յի շուրջ քննար­կում­նե­րից»: 

­Ռեալ են այս խո­սակ­ցութ­յուն­նե­րը, թե՝ ոչ, դա դեռ հար­ցի մի կողմն է: Շատ ա­վե­լի խոր­քա­յին է, որ այս ա­մենն ար­դեն ոչ միայն նե­րուկ­րաի­նա­կան հար­թա­կում, այլ նաեւ այլ ուղ­ղութ­յու­նն­երում տա­րա­ծել է այն վար­կա­ծը, թե Թ­րամփն ու Պու­տի­նը պար­զա­պես կպայ­մա­նա­վոր­վեն, եւ վերջ: Եվ երբ խո­սակ­ցութ­յուն­ներ են ծա­վալ­վում ար­դեն հան­դիպ­ման կոնկ­րետ վայ­րի մա­սին, ա­պա այդ կար­ծի­քը գնա­լով միայն սրվում է: Եվ­րո­պա­յում ան­գամ ար­դեն բա­նը հա­սել է քննար­կում­նե­րին, թե պետք է ան­հա­պաղ պա­տաս­խան հար­ված­ներ հասց­նել Թ­րամ­փին, նաեւ նրա­նից ա­ռաջ ընկ­նե­լով, սպասել հրա­ժար­վել հա­կա­ռու­սա­կան պատ­ժա­մի­ջոց­նե­րից:

Ա­հա, մո­տա­վո­րա­պես այս ի­րա­վի­ճա­կում էլ մեզ հա­մար ա­ռաջ­նա­յին է դառ­նում հար­ցը՝ իսկ հա­րավ­կով­կաս­յան տա­րա­ծաշր­ջա­նին որ­քա­նո՞վ են վե­րա­բե­րում Պու­տի­նի եւ Թ­րամ­փի դեռ նախ­նա­կան, բայց ա­մեն պահի բա­ցա­հայտ­վե­լու են­թա­կա պայ­մա­նա­վոր­վա­ծութ­յուն­նե­րը: Ճիշտ է, տրա­մա­բա­նա­կան տար­բե­րակն է, որ չի կա­րող չվե­րա­բե­րել, բայց դե, սպա­սենք ա­վե­լի ռեալ փաս­տե­րի:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝