ՇՏԱՊ. Արցախահայ հայտնի փաստաբանը շտապ հայտարարությամբ է հանդես եկել

Ղարիբ Բաբայանի վերաբերյալ դատական ակտը ինձ ամենևին չի գոհացնում, այն պատճառով, որ Բաբայանի նկատմամբ Դատարանը կալանավորման միջնորդությունը մերժելով կիրառել է վարչական հսկողություն;Իմ համոզմամբ Ղարիբ Բաբայանի արարքում առկա չէ ՀՀ  քրեական օրենսգրքի 329-րդ հոդվածի հանցակազմի հատկանիշներ, իսկ դա նշանակում է , որ հիմնավոր կասկածի նվազագույն շեմի մասին խոսք լինել չի կարող։
    ՀՀ  քրեական օրենսգրքով նախատեսված պստժի սպառնալիքով արգելված ,հանցագործության սուբյեկտի կողմից մեղավորությամբ արարք է եթե առկա են ՀՀ քրեական օրենսգրքի 329-րդ հոդվածի 1-ին մասի հանցակազմի հատկանիշները։Այն է՝  
,, Անձի կամ անձանց խմբի նկատմամբ ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելություն, խտրականություն, անհանդուրժողականություն կամ թշնամանք հրահրելուն կամ քարոզելուն ուղղված հրապարակային խոսքը, ինչպես նաև այդ նպատակով նյութ կամ առարկա տարածելը․․․
Հոդվածի դիսպոզիցիան ցույց է տալիս, որ ատելության, խտրականության, անհանդուրժողականություն կամ թշնամանք հրահրելու կամ քարոզելու ուղղված հրապարակային խոսքը, ինչպես նաև այդ նպատակով նյութ կամ առարկա տարածելը, պետք է պայմանավորված լինի ռասայական, ազգային, էթնիկ կամ սոցիալական ծագուման , կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքների հետ։Իսկ դա նշանակում է, որ ,եթե ատելության խոսքը և մյուս հատկանիշները փոխկապակցված չեն նշված պայմանների հետ, ապա ՀՀ քրեական օրենսգրքի 329-րդ հոդվածի հանցակազմը բացակայում է։
Արդյոք Ղարիբ Բաբայանի հրապարակած տեսանյութը և գրառումը ունեն թվարկված պայմանները։
Ղարիբ Բաբայանի նյութից՝այդ թվում գրառումից  ամենևին չի մտահանգվում դիսպոզիցիայում շարադրված պայմանը։Ավելին, նրա հրապարակումը սոսկ հետապնդում էր հասարակական կարգի  հնարավոր խախտումը չեզոքացնելու միտում և հրապարակված դատողությունում առկա էր բացահայտ անհանգստություն,իսկ անհանգստությունը պայմանավորված էր նրանում,որ երգողները, պարողները սադրիչ գործողություններ են կատարել։ՍԱդրիչ են նրա համար, որ նրանք իրենց գործողություններով ազգային զգայուն կողմին են ոտնձգել։Ակնհայտ է, որ ազգի զգայուն կողմի վրա ոտնձգությունը սադրիչ գործողություն է և մեծ է հավանականությունը ազգությամբ հայի միջամտությունը։Մի ժողովրդի հոգում որում ապրեցվում է Եռաբլուրը, անխուսափելի  է  միջամտությունը, որն կարող էր վերաճել հանցավոր արարքների, քաղաքական սկանդալի,միջպետական հարաբերությունների սրացման և այլն։Ահա ,թե ինչու է շեշտադրում արվել  իրավապահ մարմիններին։Վերջապես նաև հաշվի  է առվել, իրավապահ մարմինների հանցանքների  կանխման պարտականությունը։
Նշվածը միայն իրավական կողմն է, իսկ որն է դրա արտաքին քաղաքական կողմը։
Մեզ հայտնի են միջպետական հարաբերությունների սրացման օրինակներ։Կարծում եմ լարվածություն  ստեղծելու հնարքների մեջ են տեղավորվում նման առիթները։Բայց, արդյոք մեզ պետք է  Իրանի կամ Ադրբեջանի հետ լարվածություն։Անշուշտ պետք  չեն։Ղարիբ Բաբայանը փիլիսոփա է, օժտված է քաղաքական կանխատեսումների իմացությամբ։Նա փաստորեն իր գործողություններով ձգտել է կանխել հնարավոր հետևանքները, իսկ այդպիսիհանգամանքների  պայմաններում Դատարանի որոշումը չեմ կարող իրավաչափ համարել։Ղարիբ Բաբայանի հրապարակումը իրավապահ մարմիններին զգոնության  բերելու միտում է ունեցել,իսկ դա նշանակում է, որ հանդես է եկել հանրօգուտ շահերից։Գտնում եմ, որ իրավապահ մարմինների հրապարակած նյութի վերաբերյալ մտահանգումը թյուրըմբռնման արդյունք է։Օգտվելով առիթից նշենք, որ խոսքի ազատության և ատելության վարքային դրսևորման մասին Մարդու իրավունքների միջազգային ֆեդերացիան ,,Փերինչեքն ընդդեմ Շվեցարիայի,, գործով, որպես երրորդ կողմ դիտարկում ունի խոսքի ազատության և ատելության հավասարակշռության պահպանման անհրաժեշտության մասին։ 

Ռ․ Մարտիրոսյան

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝