Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Դուրգարյանը պնդում է՝ Օպերային թատրոնը շարունակելու է կոչվել ազգային

Մշակութային

ՀՀ Ազգային ժողովը 65 «կողմ», 31 «դեմ» եւ 1 «ձեռնպահ» ձայներով ընդունեց «Մշակութային օրենսդրության հիմունքների մասին ՀՀ օրենքում լրացումներ եւ փոփոխություններ կատարելու մասին» օրինագիծը, ըստ որի՝ Հայաստանի Օպերայի եւ բալետի թատրոնի, պատկերասրահի, գրադարանի և այլ մշակութային կառույցների անվանումներից կհանվի «ազգային» բառը։

Հայրենական մշակույթի զարգացման գործում մեծ ավանդ ունեցած կառույցների անվանումներում այսուհետեւ կկցվի «համապետական» բառը: Անդրադառնալով վերոնշյալին՝ ԴՕԿ կուսակցության պատվավոր նախագահ Վարդան Ղուկասյանը քիչ առաջ ուղիղ եթերում հեռախոսազրույց ունեցավ Ա. Սպենդիարյանի անվան օպերայի եւ բալետի ազգային ակադեմիական թատրոնի տնօրեն Կարեն Դուրգարյանի հետ: Դուրգարյանն իրեն բնորոշ հանգստությամբ՝ հավատացրեց Վարդան Ղուկասյանին, որ նման բան չկա ու չի կարող լինել: Ղուկասյանի հարցին, որ եթե լինի, ինչպիսին կլինի Դուրգարյանի մոտեցումը, վերջինս կրկնեց իր միտքը, թե՝ հնարավոր չէ նման բան:

«Ի՞նչ է նշանակում ազգային թատրոն, դա տալիս է առանձնահատուկ դիրք: Օպերային թատրոնը դա միակն է, որը կոչվում է Հայաստանի ազգային թատրոն: Որեւէ փոփոխություն չի եղել, ես հաստատ կարող եմ ասել, որ չի էլ լինելու: Նաեւ ասեմ, որ Օպերային թատրոնն ունի իր կանոնադրությունը, որտեղ հստակ գրված է՝ ազգային օպերային թատրոն: Մենք վերջերս վերադարձանք Իտալիայից, որտեղ բոլոր թռուցիկների մեջ գրված է՝ «ազգային» բառը»,- հեռախոսազրույցի ընթացքում ընդգծեց Դուրգարյանը:

Այնուհանդերձ Վարդան Ղուկասյանը խոստացավ, որ եթե այս օրենքը մտնի ուժի մեջ, ինքն անպայման կրկին հեռախոսազրույց կունենա Ա. Սպենդիարյանի անվան օպերայի եւ բալետի ազգային ակադեմիական թատրոնի տնօրեն Կարեն Դուրգարյանի հետ:

ՆԱՆԱ ՍԱՐԳՍՅԱՆ

Հավանեցի՞ր հոդվածը, կիսվիր ընկերներիդ հետ