Նման է, որ Թրամփը Զելընսկուն կանգնեցնում է «գնդակահարության պատի» մոտ

ԱՄՆ նախագահը Զելենսկին բնութագրել է որպես անհեռատես քաղաքական գործչի, ով անմիտ կերպով իր երկիրը նետել է պատերազմի անդունդը` գերազանցող ուժեր ունեցող թշնամու դեմ։ Fox News-ին տված հարցազրույցում Թրամփը նաեւ ասել է, որ Զելենսկին «հրեշտակ չէ», և նա շատ սխալներ է թույլ տվել, բայց հիմա նա հասկացել է և պատրաստ է գործարքի, բայց «նա չպետք է թույլ տար» պատերազմը։

«Եվ Զելենսկի, ես ձեզ սա կասեմ. նա ցանկանում է հիմա համաձայնության գալ։ Նա արդեն հոգնել է սրանից: Նա ի սկզբանե չպետք է թույլ տար, որ դա տեղի ունենար:

Գիտե՞ք, եթե նա հրեշտակ չէ, չպետք է թույլ տար, որ այս պատերազմը տեղի ունենար։ Նախ, նա պայքարում է շատ ավելի մեծ հակառակորդի հետ, լա՞վ: Շատ ավելի մեծ: Երբ նա, գիտեք, խոսում էր այնքան համարձակ և այնքան...

Նրանք համարձակ էին, բայց մենք նրանց միլիարդավոր դոլարներ տվեցինք։ ԱՄՆ-ը 200 միլիարդ դոլարով ավելի է ծախսել, քան Եվրոպան. ինչու՞ մենք ավելի շատ ծախսեցինք: Գիտե՞ք ինչու։ Որովհետև Բայդենը երբեք չի խնդրել Եվրոպային ավելի շատ ծախսել։

Նրանք ծախսեցին 200... Գիտեք, դա դարձավ ԱՄՆ-ի և Ռուսաստանի միջև պրոքսի պատերազմ Ջոյի պատճառով: Տեսեք, Զելենսկին պայքարում էր շատ ավելի մեծ հակառակորդի հետ։ Շատ ավելի հզոր: Նա չպետք է դա աներ։

Որովհետև մենք կարող էինք գործարք կնքել, և դա կլիներ գործարք, որը... Դե, դա կլիներ փոքր գործարք: Ես կարող էի այս գործարքն այդքան հեշտությամբ կատարել:

Իսկ Զելենսկին որոշեց, որ ուզում է կռվել, գիտեք... Ռուսաստանն ունի 30 հազար տանկ։ Զելենսկին գործնականում ոչինչ չուներ։ Այդպես չես պայքարի ուժեղի դեմ։

Հետո սկսեցինք սարքավորումներ մատակարարել, մատակարարել, մատակարարել, մատակարարել։ Եվ նրանք քաջություն ունեին օգտագործելու այս տեխնիկան, բայց ի վերջո սա պատերազմ է, որը պետք է լուծվի»,- ասել է Թրամփը։

ՄԻքանի էական թեզ այս հայտարարությունից կարելի է ֆիքսել:

Նախ, Թրամփն այսպիսով պաշտոնապես հաստատեց, որ ԱՄՆ-ն, թեեւ միջնորդդավորված, բայց պատերազմի մեջ է Ռուսաստանի հետ: Ենթադրաբար, կարող է Ռուսաստանի հետ «լավ գործարք կնքել» եւ դադարեցնել պատերազմը:

Երկրորդը. Զելենսկին իր հիմարության պատճառով է մտել շատ ավելի հզոր Ռուսաստանի հետ պատերազմի մեջ, որում հաղթելու որեւէ շանս ի սկզբանե չկար: Այսիքն, հիմա ուկրաինական ժողովրդի առաջ, ըստ Թրամփի խոսքի տրամաբանության, հենց Զելենսկին է պատասխանատվություն կրելու այն բոլոր կորուստների համար, որը կրել է երկիրը. հարյուր հազարավոր զոհեր, հաշմվածներ, փախստականենր, միլիոնավոր մարդիկ լքել են երկիրը, տնտեսությունը ոչնչացված է, տարածքային զգալի կորուստներ կան եւ այդպես շարունակ: Հա, մեղավոր է նաեւ Բայդենը, բայց Զելենսկուն ո՞վ էր ստիպում Բայդենի եւ այլոց հորդորներով, երկիրն այս վիճակի հասցնել: «Նա չպետք է դա աներ», բայց արել է` երկիրը հասցնելով կործանման: Իսկ դոստաեւվսկյան տրամաբանությամբ, եթե կա ոճիր, պետք է լինի նաեւ պատիժ: Հենց սա էլ ակնարկում է Թրամփը:

 Վարջապես, թեեւ Զելենսկին այս օրերին շարունակում է ինչ-որ պահանջներ ներկայացնել, սակայն Թրամփն ասում է` «նա ցանկանում է հիմա համաձայնության գալ»: Այսինքն, որ այս պահին էլ Զելենսկին խաբում է կա´մ աշխարհին, այդ թվում` ուկրաինական ժողովրդին, եւ տակից գնում է Թրամփի պահաջած ուղղությամբ: Կա´մ խաբում է Թրամփին: Վերջինս էլ հուշում է, թե չէ, « նա ցանկանում է», այսինքն, թե էլի ուզում է խաբել ուկրաինական ժողովրդին: Ու թե այս ամենի հանրագումարում ինչ կլինի Զելենսկու հետ, եթե Թրամփը ձեռքը վերցնի Ուկրաինայի վրայից, երեւի հասկանալի է: Այսինքն, պարզ է Թրամփի ակնարկը` «չփորձես»:

Այս վերջին մտքի մասին է խոսում նաեւ ուկրաինական աղբյուրի այն տեղեկությունը, թե` «Ուկրաինայում ԱՄՆ դեսպանատունը Անդրեյ Երմակին է փոխանցել փաստաթղթեր` զենք գնելու և «Big Construction»-ից կրիպտոարժույթներով բոլոր գործարքների մասին կոռուպցիոն սխեմաների վերաբերյալ»: Այսինքն, Թրամփի ամեն ինչ հայտնի է, եւ եթե ԶեԵրմակ «սիամական երկորյակները» «մի քայ աջ կամ մի քայլ ձախ» կատարեն, անմիջապես կոչնչացվեն:

Մեկ այլ հարված էլ դարձավ այն, որ թեեւ Զելենսկին բոլոր ջանքերը գործադրեց` հանդիպել Թրամփի հետ մինչ նրա` Պուտինի հետ հանդիպումը,. սակայն Թրամփը երեկ պաշտոնապես հայտարարեց, թե ցանկանում է հնարավորինս շուտ հանդիպել Պուտինի հետ: Իսկ ահա Զելենսկին կարող է հանդիպել ԱՄՆ նախագահի հատուկ ներկայացուցիչ Քիթ Քելլոգի հետ, որն այսօր-վաղը կայցելի Կիեւ: ԱՄՆ դեսպանի փոխանցած փաստաթղթերի ֆոնին, ենթադրելի է, որ Թրամփի ներկայացուցիչն ընդամենը վերջնագիր կներկաայցնի` նա հրապարակայնորեն համաձայնվում է բանակցություններ սկսել, կամ կլինեն կոնկրետ գործողություններ։

Թերեւս պետք է հիշել, որ ԱՄՆ նախորդ` Թրամփի ու Բայդենի ընտրություններում Զելենսկին «դանակի հարված» հասցրեց Թրամփի թիկունքին, թեեւ հենա նրա «դաբրոյով» էր ընտրվել նախագահ: Նաեւ դրա համար է պետք պատասխան տալ: