ԿԻԵՎԻ ՈՒՂՂՈՒԹՅԱՄԲ ԹՐԱՄՓԻ ՃՆՇՈՒՄՆԵՐԸ ՍԿՍՎԱԾ ԵՆ

Ի­հար­կե, ե­թե ըն­դու­նենք, որ Թ­րամ­փի ի­նա­գու­րա­ցիան ի­րոք կա­րող է գլո­բալ ջրբա­ժա­նի կետ դառ­նալ (Տե´ս նաեւ https://iravunk.com/?p=303539&l=am), ա­պա այս­տեղ խոս­քը նախ ռուս-ա­մե­րիկ­յան հա­րա­բե­րութ­յու­ննե­րի մա­սով է: Ա­մեն դեպ­քում, թեեւ Թ­րամ­փը ար­դեն իսկ հայ­տա­րա­րել է մի շարք ուղ­ղութ­յուն­նե­րում ար­մա­տա­կան փո­փո­խութ­յուն­նե­րի մա­սին, հասց­րել է դրան­ցից մի քա­նի­սի հետ կապ­ված նաեւ հրա­մա­նագ­րեր ստո­րագ­րել, բայց մեկ է, նրա այդ բո­լոր նախ­նա­կան քայ­լե­րում «կար­միր թե­լով» անց­նում է հենց ռու­սա­կան թե­ման՝ կհա­ջող­վի «24 ժա­մում» կանգ­նեց­նել ուկ­րաի­նա­կան պա­տե­րազ­մը եւ ինչ­պե՞ս, ի՞նչ արդ­յունք­նե­րով:

Սկզբ­նա­կան մո­տե­ցում­նե­րը, ո­րոնք ե­կան Թ­րամ­փի թի­մի ո­րոշ ան­դամ­նե­րից, այդ թվում՝ Ուկ­րաի­նա­յի հար­ցով բա­նագ­նաց Քիթ Քել­լո­գից, ա­վե­լի նման է փա­կու­ղի տա­նող ճա­նա­պար­հի: Այն աս­տի­ճան, որ ան­գամ ԱՄՆ-ում, այն էլ՝ փոր­ձա­գի­տա­կան մա­կար­դա­կով են այդ մա­սին խո­սում: Ընդ ո­րում, այն­պի­սի հե­ղի­նա­կա­վոր փոր­ձա­գետ­նե­րի, ինչ­պի­սին է Թ­րամ­փի ա­ռա­ջին նա­խա­գա­հութ­յան ժա­մա­նակ նրա գլխա­վոր ստրա­տեգ Ս­թիվ Բե­նո­նը: Այս­պես, ըստ Բե­նո­նի, այն ա­ռա­ջարկ­նե­րը, ո­րոնք գա­լիս են «ճա­նա­պար­հից շեղ­ված» Քել­լո­գից, այդ թվում՝ թե հա­կա­մար­տութ­յու­նը կանգ­նեց­նե­լու հա­մար պետք է ընդ­հուպ կոշտ ճնշում­ներ բա­նեց­նել Մոսկ­վա­յի դեմ, պար­զա­պես կա­րող են Թ­րամ­փի հա­մար Ուկ­րաի­նան վե­րա­ծել երկ­րորդ Վիետ­նա­մի: Տ­րա­մա­բա­նութ­յու­նը պարզ է. Ռու­սաս­տանն ու­նի հստակ պա­հանջ­ներ եւ կմեր­ժի դրան­ցից շեղ­վող ա­մեն մի տար­բե­րակ: Այդ դեպ­քում Թ­րամ­փին պար­զա­պես կմնա սե­փա­կան հե­ղի­նա­կութ­յու­նը չկորց­նե­լու հա­մար շա­րու­նա­կել այդ ճնշում­նե­րը: Իսկ Մոսկ­վան էլ ա­վե­լի կհա­մա­ռի, եւ ա­մեն ինչ կշա­րու­նա­կի մնալ այն­պես, ինչ­պես հի­մա է՝ մի­ջու­կա­յին պա­տե­րազ­մից վայրկ­յան­ներ պա­կաս վի­ճա­կում: Կարճ ա­սած, կստաց­վի ու­ղիղ այն տար­բե­րա­կը, ո­րի ա­ռաջ կանգ­նած էր նաեւ Բայ­դե­նը: Արդ­յուն­քում, Բե­նո­նը կար­ծում է, որ Թ­րամ­փը կա­րող է ընկ­նել «ծու­ղա­կի մեջ, ո­րը պատ­րաստ­վել է ԱՄՆ պաշտ­պա­նա­կան արդ­յու­նա­բե­րութ­յան դա­շին­քի, եվ­րո­պա­ցի­նե­րի եւ նույ­նիսկ իր՝ Բե­նո­նի ո­րոշ ըն­կեր­նե­րի կող­մից, ո­րոնց նա հա­մա­րում է «ճա­նա­պար­հից շեղ­ված­ներ», նե­րառ­յալ Ուկ­րաի­նա­յի բա­նագ­նաց Քիթ Քել­լո­գը»:

­Բե­նո­նի գնա­հատ­մամբ, բո­լո­րո­վին այլ ռազ­մա­վա­րութ­յուն է պետք՝ հաս­կա­նալ, թե որն է Մոսկ­վա­յի խոր­քա­յին մտա­հո­գութ­յու­նը եւ հենց դրա ուղ­ղութ­յամբ լու­ծում­ներ գտնել, այդ թվում՝ Զե­լենս­կու վրա ա­մե­նակտ­րուկ ճնշում­նե­րով:

­Բայց նաեւ ա­սել, թե Թ­րամփն ան­գամ այդ ա­մե­նը չի պատ­կե­րաց­նում, միամ­տութ­յուն կլի­ներ: Ա­ռա­վել եւս, որ նրա ա­մե­նա­մեծ գլխա­ցա­վանքն ա­մե­նե­ւին էլ Ուկ­րաի­նան չէ: Ա­մեն դեպ­քում, այն նախ­նա­կան հրա­ման­նե­րից, հայ­տա­րա­րութ­յու­ննե­րից, ո­րոնք ի­նա­գու­րա­ցիա­յից հե­տո հնչեց­րեց Թ­րամ­փը, են­թադ­րե­լի է, որ նա բա­վա­կա­նին լավ պատ­կե­րաց­նում է նաեւ ԱՄՆ-ի ներ­կա պո­տենց­իալն ու ե­ղած խնդիր­նե­րը: Նախ, Թ­րամ­փը խո­սում է է­ներ­գե­տիկ հա­մա­կար­գում երկ­րում ար­տա­կարգ դրութ­յուն հայ­տա­րա­րե­լուց, եւ ի­մաս­տը պարզ է, Բայ­դե­նը հե­ռա­ցել է՝ թող­նե­լով գրե­թե դա­տարկ­ված նավ­թի ռազ­մա­վա­րա­կան պա­հուստ­ներ: Միգ­րա­ցիոն հոս­քե­րը մյուս կող­մից են խեղ­դում, եւ ինչ­քան էլ խո­սես հա­կա­միգ­րա­ցիոն քա­ղա­քա­կա­նութ­յու­նից, խնդի­րը լու­ծե­լու հա­մար եր­կար ժա­մա­նակ եւ լուրջ ռե­սուրս­ներ են պետք: Կա հսկա­յա­կան պե­տա­կան պարտք՝ իր ա­ռա­ջին նա­խա­գա­հութ­յան հա­մե­մատ մոտ 50 տո­կո­սով ավե­լա­ցած: Կա Եվ­րո­պա­յի, հա­րե­ւան երկր­նե­րի, ԲՐԻՔՍ-ի հետ հա­կա­մար­տութ­յուն, եւ ե­թե Թ­րամ­փը խոս­տա­նում է, որ բո­լո­րի դեմ բարձր մաք­սա­տուր­քեր կկի­րա­ռի, ա­պա նաեւ լավ հաս­կա­նում է, որ այս դեպ­քում «բո­լոր» աս­վա­ծը գործ­նա­կա­նում ողջ աշ­խարհն է: Հայ­տա­րա­րե­լով, որ ԱՄՆ-ում կա ըն­դա­մե­նը 2 սեռ՝ ի­գա­կան եւ­ ա­րա­կան, նա «պա­տե­րազմ հայ­տա­րա­րեց» լի­բե­րալ­նե­րին: Եվ այս­պես շա­րու­նակ, բա­զում խո­շո­րա­գույն խնդիր­ներ, ո­րոնք միայն կոշտ հայ­տա­րա­րութ­յուն­նե­րով չես լու­ծի:

Եվ այն, որ իր ա­ռա­ջին հրա­մա­նագ­րե­րից մե­կով Թ­րամփն այլ երկր­նե­րին տրա­մադր­վող օգ­նութ­յունն 90-օ­րով դա­դա­րեց­րեց, ա­վե­լի նման է, որ Զե­լենս­կու ուղ­ղութ­յամբ ճնշում­նե­րի փուլն ար­դեն սկսված է: Հա­ջոր­դը` Պու­տի­նի հետ կա­պի դուրս գալն է, ո­րի մա­սին եւս այս եր­կու օ­րե­րին Թ­րամ­փը շատ խո­սեց: