Փաշինյանի սանիկ համայնքապետը պարգևատրել է ինքն իրեն 600 հազար դրամով

Վարչապետ Փաշինյանի սանիկ Վեդու համայնքապետ Գարիկ Սարգսյանը, որին մարզպետ եղած ժամանակ կոկորդիլոսաբուծարանի երազանքի համար մարդիկ կնքեցին կոկորդիլոս մականունը, այնքան գոհ է ինքն իր աշխատանքից, որ տարեմուտից առաջ ինքնապարգևատրվել է 100 տոկոս աշխատավարձով։

Գարիկ Սարգսյանն ինքն է նախագիծը բերել ու մեղմ ասած «վաստակել» ՔՊ-ական ավագանու իր թիմի քվեարկությունը, որպեսզի իր 590 հազար դրամ, աշխատավարձը կրկնակի ավելանա պարգևավճարով։

Euromedia24-ի աղբյուրները տրամադրել են նաև ավագանու որոշումը։

Նկատենք, որ սա առաջին դեպքը չէ, երբ Գարիկ Սարգսյանն ինքն իրեն խրախուսում է  հանրային միջոցների հաշվին՝ պարգևատրվելով։  Նման դեպք գրանցվել է նաև Արարատի մարզպետ եղած ժամանակ, երբ Սարգսյանը 2018թ. դեկտեմբերի 24-ի թիվ 312 կարգադրությամբ՝  մարզպետարանի  15 աշխատակցի էր պարգևավճար նշանակել  գերազանցող 104.5%-ով դրույքաչափով։

Արարատի մարզպետի հիմնական աշխատավարձը այդ ժամանակ 661,400 դրամ էր, 104.5%-ի դեպքում պարգատրման չափը կազմել էր 691,163 դրամ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝