Հայե՛ր ջան, մի դարձեք թուրքերի ծրագրի մաս, մի՛ դարձեք թշնամու ձեռքում խաղալիք. Նաիրա Կարապետյան

Վստահ եմ, որ հաղթանակած նախագահների ու գեներալների, ռազմաքաղաքական ղեկավարության մյուս գերիների միայն արտաքին տեսքը շատերի համար հերիք էր պատկերացում կազմելու, թե ինչի միջով են նրանք անցնում: Ռուբեն Վարդանյանի նամակը միայն չնչին ապացույցն է այն բանի, թե ինչպես և ինչ մեթոդներով են սարքվում հատորներով ապօրինի այս գործերը՝ միջազգային բոլոր նորմերի կոպտագույն խախտումներով:

 

Առաջիկայում ավելի ցավոտ է լինելու՝ Ադրբեջանը սկսելու է տարածել իր համար հաճելի, բայց իրականության հետ զրո կապ ունեցող, այսպես կոչված, «ցուցմունքները», որոնք իբր թե տրվել են մերոնց կողմից: Պատերազմն ավարտված չէ, ուղղակի այն հիմա կիբեր-պատերազմ է, այն տեղեկատվական դաշտում է, սոցիալական ցանցերի միջոցով է, և սա ժամանակակից իրականության մեջ լուրջ զենք է:

 

Խնդրանք՝ մի տարածեք ադրբեջանական քարոզչական զենքերը, մի դարձեք թշնամու ծրագրի մաս, մի դարձեք նրանց ձեռքում խաղալիք: Էրդողանի, Իլհամի, հենց նույն Նիկոլի իշխանությունները անպարտելի ու անվերջ չեն, ժամանակը գալու է, ճշմարտությունն ի հայտ է գալու, շատերն են պատասխան տալու: Իսկ Բաքվի բանտում մեր գերիներին միայն մեկ բան եմ կարող ասել՝ պինդ մնացե՛ք, սիրելի ավագ ընկերներ, պատիվ ունեմ ձեզ ճանաչելու, բայց անզորությունից միայն լուռ հառաչում եմ:

 

Հ.Գ. Գիտեմ, որ շատերդ ունեք վերապահում այսօր դատվողներից մեկի նկատմամբ, ամեն դեպքում, նրա արարծներն ու չարածները դատողը պետք է հայը, ոչ ոք չպետք է լիներ հիմա Բաքվում», - գրել է «Եվրոպական ինտեգրացիա» ՀԿ նախագահ, ԱԺ մի քանի գումարման պատգամավոր ՆԱԻՐԱ ԿԱՐԱՊԵՏՅԱՆԸ: