Ռուսական բանակը կտրել է Դնեպրոպետրովսկ-Պոկրովսկ երկաթգիծը. Ուկրաինական ԳՇ-ի ռեսուրս (Քարտեզ)

Ռուսական բանակը կտրել է Դնեպրոպետրովսկ-Պոկրովսկ երկաթգիծը՝ շարունակելով աքցանի մեջ վերցնել առանցքային քաղաք։ Ռուսաստանի զինված ուժերը հաջողությունները Պոկրովսկից արևմուտք ընկած հատվածում հաստատում է ուկրաինական ԳՇ-ի Deep State ռազմա-վերլուծական ռեսուրսը` ներկայացնելով քարտեզավորված պատկերը:
«Ռուսները հասել են Կոտլինո գյուղի հարավ-արևմուտք ճանապարհին և երկաթուղուն, ինչպես նաև փորձում են ճեղքել դեպի բնակավայր»:
DS-ը կարծում է, որ «համապատասխան առաջխաղացումները ևս մեկ անգամ ցույց են տալիս ռուսական զորքերի մտադրությունը՝ շրջանցելու Պոկրովսկը՝ այն շրջապատելու նպատակով»։
Սակայն այստեղ Ռուսաստանի Զինված ուժերի համար գլխավորն այն է, որ «վերահսկողության տակ վերցնեն Պոկրովսկի նյութատեխնիկական ապահովման ուղիները, և նրանք փորձում են դրան հասնել նվազագույն կորուստներով՝ կրակի հսկողության տակ վերցնելով ճանապարհները»:
«Դրա համար ռուսական զորքերը օգտագործում են FPV անօդաչու թռչող սարքեր, իսկ այսօր նաև օպտիկամանրաթելային սարքերով, որոնք ակտիվորեն մեծ տարածում են գտնում` դրանց վրա էլեկտրոնային ազդեցության բացակայության պատճառով։ Երբեմն այդ տարածքում նկատվում է ռուս օդաչուների ամենաարդյունավետ ստորաբաժանումներից մեկը՝ «Սուդոպլատովը»: Թիրախը Պավլոգրադից Պոկրովսկ տանող ճանապարհն է, որն արդեն տեղաշարժման ռիսկային գոտում է»։
DS-ը հաղորդում է նաև Ուդաչնոեի ուղղությամբ ռուսական բանակի ակտիվության մասին, որը կարող է հենակետ դառնալ ռուսների համար` այս տարածքում՝ համախմբելու իրենց շարժումը դեպի Դնեպրոպետրովսկի սահման։
«Պեսչանոյե գյուղից Զվերևոյի ուղղությամբ իրականացվում են գրոհային գործողություններ, ինչպես նաև Շևչենկո գյուղի համախմբումն ու հագեցումը ռեսուրսներով, որը ռուսները փաստացի օկուպացրել են և դրանից որոշակի հենակետ են կազմում»:

Իևականում ռուսական ուժերն արդեն իսկ Կոտլինո գյուղի տարածքում են, որն այս ուղղությամբ վերջին բնակավայրն է մինչեւ Պոկրովսկ: Գրոհում են նաեւ դրանից արեւմուտք ընկած Ուդաչնոեն, որտեղից մինչեւ Դնեպրոպետրովսկի մարզ մոտ 2-3 կմ է: